林鄭月娥-深夜聲明-min

林鄭月娥 戒唔甩半夜三更發聲明嘅壞習慣

喺居歐權問題,同埋蘋果公務員爆大鑊問題,由於蘋果日報爆大鑊果單大單啲,加上居歐權明顯涉及複雜法律問題(搵乜叉馬交人在英國挑我機,果條友whois資料係假,仲要用wordpress.com擋住真身,我信果條友都有味),所以 林鄭月娥 半夜三更至回應蘋果日報嘅聲明,而且用英文回應,隨時係佢自己親自操刀。

林鄭月娥 半夜三更發聲明嘅壞習慣

半夜三更發聲明係絕對嘅壞習慣,一方面搏無人會睇,俾人感覺條友想隱暪問題,另一方面,呢種做法其實係好乞人憎。好似我呢度,我一條友雖然接近廿四小時運作(無錯,賣Content唔夠咪廿四小時運作賣廣告賺錢,否則食西北風?),但人都係要瞓覺,所以我早上啲Content通常係schedule咗,以防自己唔知醒啲讀者都唔會無嘢睇,正所謂news feed都係要feed,但係你依家 林鄭月娥 半夜三更發聲明,我唔單只要半夜起身回應你呢啲硬膠聲明,而且仲要改動晒成個早上預先安排好嘅廣告呀,文章呀等等,所以半夜三更發聲明,呢種做法絕對係一種得罪方丈嘅做法,因為你完全搞亂晒傳媒機構,無論主流傳媒、網媒定係我呢種西方式政治網站嘅運作,非常之乞人憎。

講番 林鄭月娥 聲明嘅內容,佢話係杜撰,無中生有,因為對方係匿名發表,你就夠膽咁牙斬斬,但 林鄭月娥 唔記得咗,蘋果日報要做一條友,通常都係擠牙膏,今日擠一啲,我相信下午應該會有新料到,因為 林鄭月娥 嘅聲明都幾寸吓,屆時越有實質嘢出現,你 林鄭月娥 就越煩,而且都未計 林鄭月娥 喺居留權同國籍問題上面係咁犯錯誤。

我相信 林鄭月娥 唔去天水圍其中一個原因,因為3月19日選委嘅選舉論壇,佢同公務員嘅合作,以及佢嘅居歐權問題,都一定係主要被人打到瞓低嘅焦點,如果 林鄭月娥 唔準備好點解畫,3月26日隨時乜事都可以發生,甚至3月26日後當選都可能有事發生,因為佢個候選人資格根本係唔穩陣,張曉明都未必識同習近平解釋居歐權嘅問題,點解咁都可以睇漏眼。我留名食花生,3月18日至3月19日會發生乜事。

發表迴響

你的電子郵件位址並不會被公開。 必要欄位標記為 *