林鄭月娥-天水圍

林鄭月娥 乜知道天水圍遠嘅咩?

行唔行得入天水圍,呢個係特首接地氣指標之一。曾俊華已經過咗呢關,3月8日曾俊華入咗天水圍,並且受到好評。但有基層團體約 林鄭月娥 去天水圍視察, 林鄭月娥 竟然話攰同遠唔想去,離地到呢個地步, 林鄭月娥 都算係經典。

林鄭月娥 點幫天水圍人?

林鄭月娥 突然攰,可能驚居歐權事件被人追九十九條街,始終 林鄭月娥 未解答全世界,究竟佢有居歐權下點選行政長官,甚至要同北京解畫,北京好怕呢啲,隨時去咗第二個國家一去不返嘅友仔做領導,講句衰啲,真係搞爛咗個場都唔駛負責。只不過,至少 林鄭月娥 知道,天水圍係離市區好遠,正常人類每日咁樣穿梭往來天水圍同市區,係會攰,係會影響體能。 林鄭月娥 依家hea住選,都覺得頂唔順,咁住喺天水圍嘅人,每日都要出市區返工返學,係咪鐵人級嘅非人生活,咁點解 林鄭月娥 唔正正式式體驗吓發生乜嘢事咁。

曾俊華入過去天水圍,所以至提出要喺天水圍興建一座公營街市,推廣就地就業呢啲願景,天水圍係有問題,呢個唔係純粹左膠吹出嚟, 林鄭月娥 係戲都費時做,呢個正正解答咗,點解 林鄭月娥 可以離地到八達通都唔識用,買廁紙都可以搞出 loo paper gate,全英同全港恥笑佢到底,因為呢個人,根本平日係拒絕接地,平日喺「堅離地城」返工,所以成日用啲閉門造車嘅手法思考政策,一個唔肯落地面對現實情況嘅人,咁梗係膠事不絕,所以至會諗出港鐵隧道搞Wifi呢啲災難級嘅創意出嚟。呢次搵藉口唔去接觸天水圍民眾,仲要無禮貌到放飛機,正正反映咗,呢位前社署署長,點解可以不理民生到呢個地步。

所以就算唔計政治,呢啲人咁樣面對基層,面對民生問題,基層一定受苦,佢嘅施政一定膠爆,但好奇怪,我未見過有任何左膠,公開聲討 林鄭月娥 嘅所作所為,長毛仲係要狙擊曾俊華,又唔見社民連依家立即衝去灣仔 林鄭月娥 競選總部,要佢交代點解放天水圍基層民眾飛機。呢件只係一件小事,但呢件小事,正正解答咗呢次選舉喺 林鄭月娥 身上出現嘅種種問題,以及左膠果種虛偽。至少我睇唔到,左膠係真心,其實佢地同 林鄭月娥 都係一樣嘅人。

發表迴響

你的電子郵件位址並不會被公開。 必要欄位標記為 *