林鄭月娥-高官-min

林鄭月娥 無法取信公務員:死穴

林鄭月娥 喺高級公務員間人緣差,其實楊立門退休事件都睇得好清楚,今日《成報》都有講。只不過,似乎 林鄭月娥 無法取信於公務員嘅問題,會成為 林鄭月娥 嘅最大死穴,今日黃昏《蘋果日報》刊登咗一封由高官所撰,匿名嘅公開信力數 林鄭月娥 ,似乎 林鄭月娥 有必要解畫,點解成堆公務員咁驚佢。

林鄭月娥 係董建華2.0

香港政治最混亂嘅其中一個時期,係董建華時期,董建華時期嘅其中一個特色係董建華乜叉佢做嘢,連曾蔭權爵士做政務司司長都係擺埋一邊,甚至做首席掃街茂。而根據封公開信,似乎 林鄭月娥有同一個特色。

的確,林鄭是「叻女」,寫文件清楚兼快手,口才頗好,但擁有這種條件,在政務官圈子中,大不乏人。林鄭勤力但朋友不多,沒有甚麼興趣,所有全部時間也投放在工作上,所以她可以做到很多事,甚至兼任下屬應該做的事,但這也正正是她的弱點,就是沒有團隊精神。

一位官員獨攬工作,做個小官(首長級第四級或以下)還可,但若升到首長級第四級(D4)以上,便一定要懂得下放工作、權力,聆聽大家的意見,集思廣益,協調團隊中的矛盾。
但林鄭的管治風格,卻是奉行中央集權,她決定要做甚麼、如何做、幾時做,誰也不能有半句異議。如果她做對了事,問題也許不大,但若她正是做一件錯事,便沒有人能勸阻她。

有以上缺點果條粉點係乜水?除咗 林鄭月娥 ,咪正係董建華。董建華搞出幾大嘅大頭佛,大家有眼見,仲要果陣,政府相對有規有矩,如果政府好似依家咁完禮崩樂壞,再嚟一件董建華2.0,你覺得香港有乜後果,真係唔爆炸已經算大家好彩。

仲有一點,就係 林鄭月娥嘅堅離地,係香港樓價高到離晒大譜嘅原因,當然,有無delayed interest我唔知,但肯定係,一個買廁紙都會膠出國際嘅人,對樓市脈搏完全無感,曾蔭權爵士都醒過佢,係有解

樓價高企,林鄭有不可推卸的責任。梁振英經常批評上屆政府沒有找地,當年林鄭出任發展局局長時,她不相信要這麼多土地供應,覺得公屋供應已足夠,毋須向房委會提供土地,連前特首曾蔭權不斷催促她要提供土地供應清單,她也置之不理,其實發展局手上早已有清單,奈何是林鄭沒有交出來予曾蔭權。

以上指控 林鄭月娥 必須回應,依家 林鄭月娥 隨便老屈曾俊華呢樣嘢,好多官員應該睇唔過眼,如果有政務官做深喉為香港人放文件核彈出街, 林鄭月娥 真係唔好怪人。

發表迴響

你的電子郵件位址並不會被公開。 必要欄位標記為 *