保良局-min

腐敗 保良局

保良局 搞果啲訓練營,醜聞越嚟越多,好多行為已經去到虐待兒童嘅地步。 保良局 喺總督軒尼詩爵士當政果陣成立,當時原意係打擊拐帶婦孺惡行,所以喺倫敦批准成立後,本名保良公局。一個以保護兒童為目的嘅半公共組織,搞到虐待兒童, 保良局 都做得有點兒那個。只不過, 保良局 腐敗,唔係今日嘅問題, 保良局 一眾華人士紳,喺英國人走後無皇管,結果你數得出嘅荒謬嘢,其實都頗為有失斯文。

保良局 知唔知自己做緊乜

首先,近年 保良局 嘅學校,校舍校名多用印刷體,但寫住乜乜乜總理題,呢個本身已經十分荒謬。如果敢喺親寫書法上寫某某題,一般嚟講,都係書法造詣有番咁上下嘅人,如果 保良局 搞間乜乜年總理學校,不過搵本地書法名家題字,例如饒宗頤,並原裝真跡造成膠模或金屬鑄成字模,鑲喺校舍外面,我覺得有華人傳統特色,好事嚟。但印刷體校名,你同我話乜乜乜題,呢種有失斯文嘅做法,已經反映 保良局 出現咗好大嘅內部風氣問題,因為一個傳統華人會社唔應該容忍呢啲暴發戶行為發生。

但 保良局 更離譜嘅事,係 保良局 接受田生地產嘅捐款,成立乜嘢田生改善家居生活基金,針對果啲重建戶,大佬, 保良局 你要收慈善捐款唔緊要,但你竟然走去收田生嘅捐款,呢個同七警收一堆同黑幫關連人士嘅捐款一樣咁有趣。一個本來成立為咗保護弱勢嘅組織,收捐款都可以收到咁亂嚟,當然內部管治亂七八糟果陣,咁 保良局 搞嘅領袖訓練營變咗虐兒營,甚至累到要出動政府飛行服務隊救人,又有乜出奇嘅呢?

依家 保良局 搞到咁腐敗,有無政府問責官員應該承擔責任,梗係有喇,一個係前民政事務局局長曾德成,呢個人好大程度需要負責,但另一個人責任都唔會細,就係接曾德成手嘅劉江華,我想問,劉江華作為 保良局 嘅顧問局主席,佢究竟做咗啲乜,去改善 保良局 嘅管治。我依家唔知保良局嘅管治仲有乜問題,但表面上,由訓練營、學校果啲古怪題字,到連田生都捐款都敢收呢啲例子,成個 保良局 內部管治搵審計署派人去檢查一下,都應該會十分之精彩。一個有咁長歷史嘅慈善組織,為保其清譽,係時候搵有公信力嘅人睇睇佢。

發表迴響

你的電子郵件位址並不會被公開。 必要欄位標記為 *