製造所固有記号-min

製造所固有記号 :你識睇就唔會似CCTV咁柒

一向造假嘅契丹CCTV,老屈無印良品賣福島食品,點知無印良品唔驚中央電視台,立即反駁,膠到無倫。好多人都怕買到福島県嘅食品,只不過,如果你識睇 製造所固有記号 ,根本就唔駛擔心。

製造所固有記号 係乜東東

日本一直極重視食品安全,喺雪印脂肪乳中毒事件後,日本規定日本製預先包裝食品,要印有「 製造所固有記号 」,以便追查食品來源,至少知道喺邊個県市生產,所以喺福島生產,根本可以簡單查就知。

日本政府 製造所固有記号 檢索

好似我咁,就會去上面嘅網站,查一查自己買到嘅預先包裝食品嘅 製造所固有記号 ,例如森永嘅嬰兒奶粉,好多時係MS81,咁邊度做嘅呢,以下就係答案

製造所固有記号-1
製造所固有記号-1
法人番号 製造者又は販売者 住所 製造所固有記号 製造者の名称 製造所の所在地
8020001033840 森永商事株式会社 神奈川県横浜市鶴見区下末吉2-1-1森永製菓内 MS81 株式会社マツヤ 愛知県あま市七宝町伊福十三45番地1

點解契丹每年嘅315維權日啲節目咁令人反感,因為CCTV係以維權為名,搞仇恨政治為實,意圖令契丹人唔買外國貨,但又唔檢討自己啲食品安全制度,日本係乜嘢食品製造商,係連代工果個都有得追查,仲要全部資料係向政府登記,有乜冬瓜豆腐,就會好似當年雪印咁賠到破產都唔掂。所以我一向認為日本嘢食好安全,因為要查番邊間公司代工,係完全追蹤得到,無得呃人。相反,契丹依家搞出三聚氰胺危機咁耐,有無做番好食物安全?點解仲有咁大批契丹人嚟香港走私食品,責任又咪係你班共產黨官僚貪污腐敗,壞事當好事辦,喪事當喜事辦,黑白是非不分。

所以,一旦契丹都未做到食品安全管理去到日本、歐洲嘅水平,契丹呢啲自討沒趣醜劇,好心中宣部就做少幾次咪當節省地球資源。依家契丹政府同中央電視台,唔係要每年3月15日扮幫消費者維權,意圖抹黑外商而唔駛負責任,而係做番好契丹自己嘅監管,呢個又離唔開法治,只不過,一旦貪污當食飯,龍門任你搬嘅國家,你覺得呢個國家有法治。國民不知法治為何物,有毒食品繼續慢慢嘆喇。

發表迴響

你的電子郵件位址並不會被公開。 必要欄位標記為 *