美女與野獸-同性戀

美女與野獸 被原教旨主義者針對事件:香港需要性傾向歧視立法

迪士尼新片 美女與野獸 加插同性戀情節,有學校竟然發通告,要求家長注意,並且要簽番回條。呢啲做法完全係違反一個教育機構應有操守,呢點可以睇到性傾向歧視立法嘅急切性,呢啲公然煽動家長中傷同性戀者嘅行為,已經超出公眾容忍限度。

迪士尼要加插同性戀情節喺 美女與野獸 嘅原因

迪士尼要加插同性戀情節喺 美女與野獸 ,因為其實已經有相當充分嘅科學證據證明,同性戀係好大程度上係一種先天傾向,所以迪士尼喺國際宣揚大同大愛嘅前提下,保守到迪士尼咁,都要加插同性戀情節。其實迪士尼已經好保守,因為好似HSBC呢啲大公司,簡直喺支持同性婚姻上走上前線,台灣HSBC簡直係CEO嚟做公司同性員工婚禮證婚人,HSBC一向作風保守,依家簡直去到做埋社運分子果份,你就知社會已經大轉變,性傾向歧視不被容忍係社會共識嚟。

至於香港,你班友宗教點睇你嘅事,但科學實證嘅事,如果仍然因為一本《聖經》嘅描述去違反科學,呢個係以往天主教會堅持地心說嘅錯誤係一樣,宗教可以係好多嘅豁免理由,但宗教唔係搞煽動仇視,歧視嘅理由,否則宗教一早可以作為恐怖主義行為嘅免責辯護,攞住本可蘭經或聖經話殺同性戀者有理,因為呢個係神嘅旨意,咁又得唔得,其實大家都知咁係唔得。

如果各大教會尚知自律,唔係當眾作出煽動仇視同性戀嘅行為,都未必要就性傾向歧視立法,但依家果間基督教學校所為,已經係去到性傾向中傷嘅程度,呢種中傷如果無法律對付,就真係難以令香港社會感到安寧。所以,如果香港嘅原教旨主義分子唔再約束自己嘅言行,香港人唯一嘅選擇就係儘快就性傾向歧視立法,並且刑事對付果啲發布中傷材料嘅人。宗教無人想管,但如果有人借宗教之名搞極端主義,呢種危害公安嘅行為,就無乜可能唔管。

香港嘅可愛,就係宗教極端分子無亂嚟嘅空間,話知你回教、佛教、道教定基督教,如果有人搞極端主義,就唔該早抖,而呢件事上面,香港公眾應該對相關教會明確表態,甚至擺明入場睇 美女與野獸 ,表明香港係唔歡迎呢啲披住宗教之名嘅怪物。

發表迴響

你的電子郵件位址並不會被公開。 必要欄位標記為 *