林鄭月娥-辭職論-min

由 林鄭月娥 辭職論睇到嘅問題

林鄭月娥 喺特首選舉電視辯論果日,喺電視機鏡頭面對牙斬斬,話自己如果得唔到主流民意支持,會辭職。點知好快, 林鄭月娥 先搬香港研究協會果啲假民調嘅龍門,然後又話用啲奇怪標準話自己都唔會退。但可能 林鄭月娥 怕會引嚟2003年七一級大遊行,結果佢依家講都費時講。呢種不斷搬龍門嘅行為,反映咗 林鄭月娥 呢個人乜問題呢?

林鄭月娥 為保權位可以做假

  1. 首先, 林鄭月娥 可以為咗搬辭職論嘅龍門,可以攞香港研究協會嘅民調出嚟,咁係唔係大家要有心理準備, 林鄭月娥 為咗表示她做嘅都有民意支持,乜做假都得,甚至用公帑去資助啲奇怪研究去支持自己,咁樣就好危險。但偏偏呢次選舉辯論,就暴露咗 林鄭月娥 喺呢方面嘅傾向,相當嚇得死人。
  2. 林鄭月娥 係可以隨便走數嘅人,如果你做 林鄭月娥 支持者,認真就真係輸了,因為 林鄭月娥 可以為咗自己嘅利益,將佢講過嘅承諾扭曲,或者唔承認有過咁嘅承諾。如果我係選委,我仲敢投票俾一個可以為咗自已嘅位置,而隨便走數嘅一個人? 林鄭月娥 呢個人,喺選舉階段答應嘅任何嘢,佢會唔會找數,我個人真係好大保留同疑問。
  3. 大家或者問我,點解對 林鄭月娥 咁大意見,搞到連佢老公個國籍都挖埋出嚟,其實呢個問題,要由天星皇后開始。好多左膠都已經唔記得咗天星皇后,但對我嚟講,香港歷史係不容咁樣毀滅,時至今日,天星碼頭鐘樓喺邊,點解依家剩低係一個俾老闆車停泊嘅無用位,而皇后碼頭,又幾時會重建, 林鄭月娥 當年嘅承諾去咗邊?呢個咁打得嘅發展局局長,係唔係今日拆咗,明天就關人乜事。而 林鄭月娥 嘅作為,一次又一次話俾大家聽,佢係一個有權用到盡,不擇手段嘅人,所以作為一個香港人,好難支持一個咁嘅人做特首,因為大家都好明白,由一個咁嘅人做特首嘅結果會係點,ABC 2.0, Anyone but Carrie,其實個原因好清楚。甚至 林鄭月娥 未必係梁振英 2.0, 林鄭月娥 佢係佢自己,梁振英最多係指東拉西,同埋心理變態,但 林鄭月娥 會係乜?由天星皇后,由故宮,到依家辭職都要搬龍門,大家心照。

發表迴響

你的電子郵件位址並不會被公開。 必要欄位標記為 *