居歐權-林鄭月娥

EEA Family , 居歐權 與 林鄭月娥

我講咗林鄭月娥因丈夫係歐盟公民,而擁有 居歐權 ,可能會被DQ後,好多人唔明當中嘅法理邏輯。香港人一向喺國籍同居留權方面都邏輯唔清,我依家再逐點逐點解釋,依家發生緊乜嘢事。

居歐權 可以涵蓋非歐洲籍家庭成員

  1. 根據《行政長官選舉條例》,任何特首候選人,喺提名當日必須係只有擁中國國籍,連BNO都唔可以有,同埋喺當日唔可以擁有外國居留權,基本上,就算無外國國籍,有外國居留權都可以被DQ。由於有BNO本身都已經被DQ,所以唔駛考慮BNO居歐權嘅問題
  2. 根據2004/38/EC,任何歐盟公民或EEA公民,其直系親屬,可享有居留另一個歐盟國家權利,而不受限制。
  3. 提名日,林鄭月娥丈夫林兆波係英國公民,根據2004/38/EC,屬英國公民,而該英國公民並非純粹因Isle of Man或Channel Islands緣故取得,自動享有 居歐權
  4. 提名日,聯合王國仍然係歐盟成員,未成功trigger Article 50
  5. 提名日,未有任何國家法院頒令終止林鄭月娥與林兆波嘅夫妻關係。根據呢個邏輯,林鄭月娥仍然因林兆波嘅緣故,擁有歐盟公民家庭成員身份,而擁有 居歐權。
  6. 居歐權 喺歐盟國家就業及逗留都不受任何限制,屬於外國居留權。
  7. 縱使林鄭月娥只有中國國籍,但由於她丈夫嘅居歐權,自動涵蓋於她嘅身上,所以,只要提名當日,林鄭月娥與林兆波婚姻關係仍然有效,林兆波仍然係英國公民,都仍然係不合資格被提名候選行政長官人士。
  8. 現時,係無任何挽救方案,縰使她當選,仍然係唔合《基本法》嘅當選人,中央人民行府根據法律,係唔可以委任她做行政長官。

至於薯片嘅老婆可能係美國公民,或擁有美國永久居留權,呢個可能係政治唔正確,但唔影響薯片嘅參選資格,因為美國公民嘅配偶唔會自動享有美國居留權,其進入美國權利仍然受到簽證嘅限制。其實胡國興嘅參選資格都可能有問題,縱使胡國興已經成功退出英國國籍,但如果佢嘅另一半仍然保留英國公民身份,情況等同林鄭月娥,都係因為英國公民附帶嘅歐盟公民同居歐權身份,結果同林鄭月娥係一樣。但胡國興並無提及其另一半嘅國籍,我無法再作進一步評論或論斷。

3 thoughts on “EEA Family , 居歐權 與 林鄭月娥

  1. 其實個道理同
    點解BNO持有人有中國藉一樣
    都係自動夾硬比個國藉你
    分別係一個係 中國夾硬屈BNO有中國藉
    歐盟夾硬比左林鄭有居歐權

  2. 其實個道理同
    點解BNO持有人有中國藉一樣
    都係自動夾硬比個國藉你
    分別係一個係 中國夾硬屈BNO有中國藉
    歐盟夾硬比左林鄭有居歐權

    相同之處係
    都無得唔要

發表迴響

你的電子郵件位址並不會被公開。 必要欄位標記為 *