黑客-min

美國告契丹 黑客 只係遲早問題

雖然 Trump 一直以嚟被視為係俄國 黑客 助選至贏到大選,好多人都認為 Trump 親俄,但似乎 Trump 無意維持佢嘅親俄形象,反過嚟要擺出反俄姿態,將入侵Yahoo!嘅俄國 黑客 拉晒,而且呢啲黑客,仲要證實係受僱於俄國聯邦安全局。

契丹 黑客 遲早都會係目標

當然,呢次拘捕俄國 黑客 ,某程度上要向佢啲金主交代,因為 黑客 大舉入侵Yahoo!,導致Verizon收購Yahoo!嘅交易,一直都陷於膠著狀態,特別無人知Yahoo!被 黑客 攻入,是否出於Yahoo!內部疏忽,但依家證明係俄國政府所為,咁一間私人機構對住一個龐大嘅政府,呢個明顯係不對稱嘅戰爭,咁Verizon少咗藉口減Yahoo!價以及拖延交易進行,而啲大ibank啲錢亦可以早日落袋,而 Trump 亦可以減少咗佢被人感覺親俄嘅指控,至少 Trump 係會對俄國聯邦安全局嘅 黑客 採取行動,當然,普京高唔高興 Trump 咁做,呢個就已經係另一回事。

但長遠嚟講,美國政府對付契丹 黑客 可能更有興趣,俄國 黑客 嘅作為雖然大家都知,但俄國自己都有一定技術水平,唔一定要靠偷技術,契丹就唔會,由對付異見人士,對偷全世界嘅技術,都係動用 黑客 ,而且手法極核突,例如呢度都經常發現啲契丹IP玩SSH Brute Force,呢種 SSH Brute Force幾乎成為全世界好多server admin覺得最為討厭嘅行為。而捉契丹 黑客 ,可以突顯契丹如何不仁不義,又唔駛長期靠得罪俄國嚟立威。況且,俄國喺一啲戰略問題上,由於俄國始終係一個捉棋,講戰略嘅民族,話雖唔講道理,但會理性進行利益計算,如果合理嘅利益交換,俄國佬係會做,甚至 Yahoo! 黑客 被捉,都可能係Putin嘅棋嚟,但契丹?大家睇契丹喺Thadd導彈嘅態度,你就知呢個民族,既唔講道理,又唔講利益計算,完全唔知為咗乜而行事嘅膠國,咁優先對付契丹,遠重要過對付俄國 黑客 ,契丹在美黑客大舉被捕甚至驅逐出境,相信可能只係遲早問題。而且契丹 黑客 漏洞更多,要捉更容易。

發表迴響

你的電子郵件位址並不會被公開。 必要欄位標記為 *