林鄭月娥-財金系統

林鄭月娥 幫財金系統換血:想港紙大跌?

林鄭月娥 今日見金融服務界啲選委果陣,話會幫財金系統換血。好多討厭政治嘅民眾,可能未知大鑊臨頭,但如果你對 林鄭月娥 當選好有信心嘅話,我會建議你買定美金現鈔同黃金都得,因為 林鄭月娥 保證會搞出大頭佛出嚟,引嚟大鱷亂嚟都未收科。

林鄭月娥 唔明財金系統穩定性重要

自1998年官鱷大戰,曾蔭權爵士、許仕仁同任志剛三劍俠以近乎食砒霜杜老虎方式,阻止索羅斯班友沽完港紙沽期指賺錢之後,香港好多年都股票市場風平浪靜,如果唔係勁假時段果啲低能錯誤,其實香港嘅資產市場係好穩陣,呢個基礎係嚟自曾蔭權爵士以嚟嘅財金團隊,基本上係健在。無錯,曾蔭權爵士同許仕仁都喺赤柱,任志剛退咗休,但曾俊華、陳家強教授同陳德霖團隊,基本上維持咁耐以嚟嘅態度同政策,大鱷要貿然出手係有風險,所以依家香港啲資產價值唔會大起大跌,否則成班契丹人點會走資都揀香港,唔通揀啲好似賭場咁嘅市場,果啲做短炒王一流,唔係做長遠投資嘅市場囉。

依家 林鄭月娥 以為任志剛幫佢就可以,但任志剛長期以嚟,處理係貨幣政策,仲要嚴格嚟講,香港係無貨幣政策,因為linked-exchange rate system係唔會有利率等工具可以調節經濟表現,只有政府財政政策,仲要一個保守穩健嘅財政政策,去維持港幣同資產嘅穩定性。如果 林鄭月娥 亂咁搵財政司,例如由陳茂波繼續做財政司司長,一旦契丹經濟有乜風吹草動,仲唔成棚人喺香港又沽完港紙沽期指,沽完期指再隊冧你樓市,跟住銀行系統連環爆,你跳海都唔掂。對於純粹關注香港財經嘅人,曾俊華嘅最大價值係維持香港財政政策不變,至少一切係可以預測,有乜風吹草動,大家嘅財產唔會人間蒸發。而 林鄭月娥 講埋啲咁嘅嘢,簡直為香港金融系統投入一個不明朗因素,如果你有一筆大錢,仲唔走佬?可能走去美國最穩陣,雖然有人話美國可能嚟一場股災,但至少依家美國經濟睇落個復甦係實在同靚仔,而且歐洲同英國都係BREXIT下得個亂字。

林鄭月娥 對財金系統亂嚟,契丹官員都應該為自己荷包諗吓,你啲錢想邊個管至得。

發表迴響

你的電子郵件位址並不會被公開。 必要欄位標記為 *