中大學生報-min

中大學生報 與 House of Cards

中大學生報 今年嘅選舉,破咗歷年最烏煙瘴氣紀錄,螢搞選舉舞弊,證據確鑿,而破駢破臥底入去人地嘅莊度,呢種手段,真係去到大馬至會咁玩,香港政壇上鑊咁玩已經係工黨趙恩來(唔計中共果啲臥底)。

兩邊都玩政治玩到走火入魔,嚴重迷失。為政治理想,條底線去到邊。呢個課題,好明顯雙方都無好好探究過。

中大學生報 係戰場,但一切有底線

首先講螢同後面班左膠,邊個都有資格講嘢,螢無資格,原來為咗左翼理想,可以玩選舉舞弊,對方點搜證一回事,選舉舞弊係另一回事,喺現實世界,你班友一早坐咗監兼剝奪若干年選舉權利,仲有乜資格牙尖嘴俐,用非法手段保衛政權,本身係不義,呢樣係無妥協,破駢唔啱,唔代表你班友合法。而覃俊基呢啲老鬼,更加唔應該做 中大學生報 受薪員工,有人想做太上皇?仲要受薪。覃俊基嘅表現,同陳日東過往喺中大學生會幹事會會室表現,一樣令人作嘔。

點解覃俊基必須鏟除,邊個鬧溫和本土係披住狼皮嘅狼,就係覃俊基條仆街。我依家以老鬼身份,要求清除老鬼,好公道。

再講破駢,我明白佢地好想改革 中大學生報 , 中大學生報 幾乎係最後嘅左膠陣地咁滯,如果能攻破,係好有意義一件事。但問題係,改革政治,高手係用合符道德嘅方法,好似做SEO,無錯,係有black hat SEO,但真正高手,係順住google同facebook規則做人嘅white hat SEO,你要改革 中大學生報 ,趕走班左膠,係應該用合符道德嘅手段,好似以前我做院委主席,人微言輕,要對付同幹事會關係密切嘅國是學會,你估咁易,但最後仍然用公共行政嘅基本原則同玩法,破天荒喺學生會內發諮詢文件,搞大型諮詢,終於搞出今日嘅屬會室分配制度。我被人鬧爆,唔屈服,但最後成功,而且奠定日後十幾年嘅基礎,我有無為咗改革屬會室制度去搞呢啲 House of Cards 式權術?

其實我果個年代,已經有 House of Cards BBC版 DVD租, House of Cards 有好多權謀嘅描寫,但 House of Cards 嘅基礎,仍然係莎士比亞一系列以英格蘭君主為題嘅名劇,果堆劇探究都係過度而不擇手段追求權力背後嘅悲劇,以及背後嘅人性反省,英國人你話佢古惑都可以,但做事永遠有佢嘅底線,其實呢個就係莎士比亞傳統以嚟嘅教化。破駢嘅做法未必係非法,只不過,道德上過咗界,一旦過咗界,就好易變馬共、中共咁走火入魔,有理想嘅人最易走火入魔,星戰嘅黑武士都係咁嚟,大家諗清楚喇。

One thought on “中大學生報 與 House of Cards

發表迴響

你的電子郵件位址並不會被公開。 必要欄位標記為 *