林鄭月娥-黑警-min

黑警 乜都識政治中立嘅咩?

林鄭月娥近排周圍拉選委支持,而佢想請代表 黑警 嘅兩個組織出席會議果陣, 黑警 嘅代表竟然識得講要保持警隊嘅政治中立性,所以唔見林鄭月娥,請咗佢食檸檬。

黑警 識得政治中立?出奇喎

黑警 竟然知道乜叫政治中立,呢個真係天方夜譚,只不過, 黑警 突然記得番,警隊原來係要維持政治中立,總係有啲原因,我依家羅列啲可能原因出嚟,只不過,如果當中有一兩個原因屬實,就有可能係政治轉向訊號:

  1. 黑警 近排喺民意戰上面係咁輸,猶太人事件幾乎輸清光,但林鄭月娥主動叫佢地班友唔見,又好似唔多俾面,所以 黑警 就扮到唔見林鄭月娥,要維持政治中立,如果係呢個理由,咁林鄭月娥嘅選情,暫時都未受影響嘅。
  2. 黑警 一直都係聽命於葉劉淑儀系統,其他紀律部隊工會見林鄭月娥,但 黑警 唔見,即係佢地會跟隨葉劉淑儀嘅意向支持曾俊華,如果係咁嘅話,我相信新民黨手上嘅提名飛,應該全部向薯片果面走,雖然未必影響到大局,但泛民+新民黨+自由黨基本盤咁反林鄭月娥,呢啲黨派全部議會係有飛嘅,我睇怕林鄭月娥都有排煩。
  3. 對林鄭月娥最差嘅情況,其實係 黑警 工會喺北京收到風,北京打算正式轉向,既然林鄭月娥都唔會係未來老闆,咁浪費時間見嚟做乜,所以立即扮到係記得政治中立呢回事。大家要留意一點,曾俊華喺七警案裡面,其實企喺泛民果一邊,但 黑警 工會仍然講政治中立,唔見特別支持林鄭月娥,咁有可能係 黑警 工會高層收到北京風,所以轉向。大家留意一點,北京公安部門相關嘅嘢,依家已經收歸習系所有,唔再係江系把持,如果透過呢個系統放風,張曉明同林鄭月娥可以乜事都唔知,亦可以死咗都唔知乜事。習近平好多系統都未必控制得穩,但係政法系統隨住反貪嘅深入,習系嘅控制係慢慢鞏固落嚟,呢個都大致於現時嘅契丹國情。

如果係第三種情況,對林鄭月娥嚟講,絕對係紅色警號,即係習系決定堅繞過中聯辦做嘢,而且係未必透過召人去深圳傳話,因為 黑警 話維持政治中立,呢件事係好唔尋常。如果 黑警 拒見林鄭月娥呢件事,係黑天鵝訊號,我覺得其實係有值得推敲之處。

發表迴響

你的電子郵件位址並不會被公開。 必要欄位標記為 *