楊立門-min

林鄭月娥下屬緣有幾差?睇吓 楊立門

林鄭月娥喺特首選舉電視辯論話好想挖曾俊華隊team過去,呢句本來係好華人式客套話,反被曾俊華寸番佢一句,呢隊team有錢都買唔到,然後大家揭番林鄭月娥嘅下屬緣有幾差。其實最反映林鄭月娥下屬緣差,唔係佢前政助張秀麗,而係同梅艷芳同屆出戰新秀歌唱大賽,由於被取錄為政務主任中途退出,退咗休又發歌星夢想搞演唱會嘅政壇奇人,民政事務局前常務秘書長,商台《18樓C座》編劇楊普禧嘅仔 楊立門 。

楊立門 都頂佢唔住,你話林鄭月娥幾犀飛利

楊立門 由於本身有一定表演天分,搞政治就係要表演天分,再加上某程度上,佢屋企根本由細到大講政治(《18樓C座》同《大丈夫日記》係乜嚟?林彬正係《大丈夫日記》嘅主角,楊普禧前輩1967年後無移民,其子仲要加入香港政府,呢個係膽量),所以其實,最有潛質由公務員轉為政客果個,正係 楊立門 。 楊立門 啲人話佢做嘢滋油,但 楊立門 實際上係一個做嘢講番規矩嘅人,反之,呢個林鄭月娥工作量大唔駛講,仲經常做埋啲唔跟規矩做嘢嘅事,所以 楊立門 提早退休,寧願開慈善演唱會重溫佢入政務主任職系前嘅歌王夢。

當然, 楊立門 有一門由細到大鍾意嘅嗜好係好事嚟,因為鍾意音樂作為一門表演嘅人,無咁多權力慾,更唔好講入商界。但 楊立門 呢個人咁能幹, 楊立門 臨退休最後果六七年,同林鄭月娥反面反到底咁滯,大家諗吓好多堅持原則嘅公務員,究竟同林鄭月娥維持住啲乜嘢關係,所以呢次雖然曾俊華同林鄭月娥,都係政務官出身,但普遍政府中人,係支持曾俊華多過林鄭月娥,無錯,曾俊華有要求過各部門cut budget,但係,同曾俊華合作有無問題,你睇曾俊華隊team有幾多由政府離開嘅跟隨者就知,如果林鄭月娥喺政府真係受歡迎,仲要呢次睇起嚟勝算咁高,點解政府無邊幾個佢啲舊下屬離開政府,同佢並肩而戰嘅呢?

只係睇林鄭月娥同 楊立門 嘅恩怨,大家都估到佢做咗特首之後,政府內部內戰都未必搞得掂,撕裂1.0最多係政府外撕裂,撕裂2.0係成個政府被人五馬分屍,雞犬不寧。

2 thoughts on “林鄭月娥下屬緣有幾差?睇吓 楊立門

  1. 不過,林鄭都仲有一隻「前馬仔」支持緊佢,仲好有威力添!
    邊個?梗係「國師」啦。尋晚就即出status話薯片唔好,啲Fans即刻起哄。
    好多人都未必記得,當日何志平帶「國師」入去做HAB首長級公務員時,最後嘅年半左右,係邊個做緊常秘…就係Carrie啦。

發表迴響

你的電子郵件位址並不會被公開。 必要欄位標記為 *