東江水-min

東江水 當香港人係羊牯 曾俊華同本土派阻共官發財?

今日蘋果有篇報導,好多人忽略,就係 東江水 供港嘅費用,係遠遠貴過深圳同東莞,其實我將每平方米水價再整理一下,就知道粵海投資擺明當香港人係羊牯, 東江水 唔係對香港人嘅福利,而係俾班共官用嚟發大財之用。

供港 東江水 價錢係東莞同深圳好幾倍

大家睇一睇下表,就知乜事

年分 供港水價 供深圳、東莞水價 差價
2012年 4.99 0.964 4.026
2013年 6.12 0.989 5.131
2014年 5.47 0.992 4.478
2015年 5.51 0.974 4.536
2016年 7.14 未有資料 未能計算

大佬,吓吓都用成四至五倍嘅水價賣俾香港,呢啲叫恩情,呢啲仲唔係當香港人係羊牯? 東江水 來源一樣,我唔信運到嚟香港 東江水 特別優質,而且運嚟香港同運嚟深圳距離相若,點解運嚟香港要貴成四五倍,呢啲仲唔係掠水?證明咁多年以嚟,香港政府根本係未有為香港人爭取最佳權益,大家要記住,2011年 東江水 協議簽字果個,正正係今日嘅特首候選人,林鄭月娥。

其實唯一一個意圖突破呢個困局嘅官員,其實就係幫香港人守住荷包嘅曾俊華,大家都記得邊個提出起海水化淡廠,2016年係未有資料,但以2016年供港 東江水 價錢去到每平方米7.14計嘅話,其實契丹果邊嘅食水越嚟越深,咁點解唔興建海水化淡廠,喺依家RO逆水滲透技術越嚟越成熟,而油價持續下滑嘅情況下,點解仲要堅持以 東江水 為香港主要水源,買少一部分 東江水 ,就已經為香港人慳荷包,亦提高咗香港政府同粵海投資方面嘅談判本錢。

我只能咁講,點解依家張德江、有部分契丹官員堅持要支持林鄭月娥,大家睇 東江水 問題就會明,林鄭月娥會任何北京方面嘅人馬宰割,相反, 曾俊華 未必敢同契丹正面對抗,但喺香港人福祉相關問題上,佢會盡力維持香港人嘅利益,包括用相對柔性手段,以繞路嘅方法去捍衛香港人嘅荷包,對唔少當香港人係羊牯嘅契丹官員,呢個已經係死罪嚟。其實呢個問題,我十分想知道林鄭月娥係會點解,係唔係乜都又推晒落對家,好似自己完全唔關事一樣咁。

發表迴響

你的電子郵件位址並不會被公開。 必要欄位標記為 *