廉署-咖啡-min

屈穎妍係唔係最後都要飲 廉署 咖啡提神

我好少一而再,再而三呼籲大家向 廉署 進行選舉言論有關嘅舉報,只不過,屈穎妍老屈教協同曾俊華嘅情況係異常惡劣,如果大家唔集體向 廉署 作出舉報,令屈穎妍知道,喺選舉期間作出不實言論嘅應付代價,周融系嘅五毛就會越嚟越囂張,香港選舉就一定永無寧日。

廉署 應該調查屈穎妍知情下作出嘅誤導言論

屈穎妍同高志森一樣,都係以為啲香港人個個都係鍵盤戰士,唔會舉報佢地,所以當香港法律係死,成日作出啲賊佬試沙煲嘅言論。但依家屈穎妍離譜在於,教協已經作出聲明,亦好清楚,屈穎妍喺專欄提出嘅事根本唔存在,但係屈小姐堅持唔撤回言論,唔道歉,仲意圖狙擊教協,咁樣幫林鄭月娥去拉票都得,簡直係神乎其技。

好多人以為呢啲言論係選管會嘅範圍,其實唔係,《選舉(舞弊及非法行為)條例》嘅執法機構係 廉署 ,大家投訴去選管會投訴,一方面浪費時間,另一方,屈穎妍呢啲人渣,只會覺得你班網民唔識嘢,更加無顧忌咁樣亂噏廿四,作出更多無中生有嘅聲明,仲要有啲五毛同藍絲會信。所以,大家係要搵番屈穎妍寫過嘅文,然後透過以下途徑,向 廉署 舉報,而 廉署 舉報係絕對保密,如果你覺得唔安全,可以唔留指紋或電話下作匿名舉報, 廉署 無乜理由唔處理屈穎妍嘅案件,因為唔處理嘅話,公眾係會作出質疑。我依家就列舉 廉署 嘅舉報方法,大家就可以用電話亭電話打過去 廉署 對屈穎妍嘅文章作出舉報,或者寄信去 廉署 舉報屈穎妍,我睇吓有人公然作出虛假陳述,想令某人唔當選,係唔係乜嘢法律後果都唔駛負,亂寫廿四都得

  1. 電話:25 266 366(廿四小時熱線)
  2. 廉署廿四小時舉報中心:香港北角渣華道303號地下
  3. 寫舉報信俾 廉署 :香港郵政信箱1000號 廉政公署

廉署 舉報有幾樣嘢,大家都可以留意,放心舉報:

  1. 要舉報貪污無須要掌握足夠的證據。舉報人祇須說明已知的懷疑貪污事件,廉署舉報中心/分區辦事處的當值主任會依據所得資料跟進事件。
  2. 而匿名舉報因為無法聯絡舉報人,一般只有一成左右可以繼續跟進,但我們也會嘗試透過不同途徑尋找線索。
  3. 舉報人無須預約或填寫任何表格
  4. 即使有關文件未齊備,仍可先作舉報。

對付屈穎妍呢啲人,唔駛客氣,應該盡個好市民應有責任。

發表迴響

你的電子郵件位址並不會被公開。 必要欄位標記為 *