特首選舉電視辯論-第四段

特首選舉電視辯論 自由搏擊 簡評

特首選舉電視辯論 自由搏擊時段,係今日成場仗最精彩呢一段,無論胡國興定係曾俊華,都好明顯上番電去打仗。胡國興同曾俊華,都喺 特首選舉電視辯論 自由搏擊時段,發揮到各自嘅長處,圍抽林鄭月娥,終於叫到係真係打波。

特首選舉電視辯論 自由搏擊時段簡評

胡國興法官審犯嘅優勢,喺自由搏擊時段有明顯嘅發揮,因為法官最重要係問關鍵問題,澄清事實,作出判斷,而橫洲事件裡面,曾俊華同林鄭月娥應該要負乜責任,胡國興主持聆訊嘅優勢就發揮晒出嚟,當然,兩條友你推我,我推你,好似兩個想卸責嘅被告一樣。如果日後橫洲事件要作出調查聆訊,胡國興作為聆訊委員會主席,應該大家無搵錯人,有時候,做慣聆訊都係一種優勢嚟,尤其如果要篤爆醜聞果陣,畢竟未必個個適合做唐英年式嘅炸彈人。

而曾俊華,好明顯係不斷留意場外嘅賽事評述,曾俊華係快速喺自由搏擊環節抽水,問林鄭月娥依家咁不受歡迎嘅情況,點解仲唔退選,呢一節令林鄭月娥露出真面相,林鄭月娥係引用一個聲稱林鄭月娥已經民望領先嘅民調,但果個民調大家心水清都知係土共嘅假民調,如果有人走去認真篤爆佢引用嘅民調,我相信佢仲死得快。證明林鄭月娥為咗保住權力,係一個連假民調,假數據都敢用嘅心術不正之徒,大家仲敢唔敢支持佢呢?大家都心照。

林鄭月娥意圖用曾俊華嘅cut budget措施反擊,但可惜用啲部門係錯,好似紀律部隊,根本市民喺七警案後,除咗消防,其他紀律部隊都唔想佢地加人,唔通加人打自己好好玩。圖書館呢幾年成日入啲契丹書,其實市民已經對公共圖書館嘅管治有微言,呢個係打動唔到市民,更一次證明佢堅離地。至於話條街越嚟越多垃圾,大佬,成堆契丹遊客喺度亂拋垃圾,大家寧願政府加強檢控垃圾蟲,並且提出迫契丹垃圾蟲交出罰款嘅方法,呢一點又係堅離地。或者會爭取到有紀律部隊背景嘅選委,但對大部分選委同市民嚟講,曾俊華cut budget有乜問題,大家睇唔出有問題,大家只嫌曾俊華無制止大白象工程,但林鄭月娥根本無吉士停止大白象工程。

所以自由搏擊時段,曾俊華同胡國興共享MVP,林鄭月娥輸晒。

發表迴響

你的電子郵件位址並不會被公開。 必要欄位標記為 *