特首選舉電視辯論-第一段

特首選舉電視辯論 頭半小時評

特首選舉電視辯論 三角戰,頭半個鐘已經戰火極烈,十分精彩。

特首選舉電視辯論 政治大混戰, 林鄭捱打

首先,個人一分鐘陳述,其實最佳表現係胡國興,胡國興係大律師出身,一開始己經好方向清晰,喺故宮搶攻,而喺cross examination環節,迫到林鄭月娥一開始就已經耍太極,呢個就係一個大狀嘅功架,我相信胡國興做大狀果陣,都應該係幾戰鬥格。因為係非常直接了當去開波,已經唔拖泥帶水,佢好清楚時間好有限。

喺黑警案問題:林鄭月娥竟然講司法獨立,以為可以抽曾俊華水,點知係造波俾曾俊華射,跟住曾俊華即刻射入林鄭月娥嘅龍門,直指七警案,呢種射球方法,雖然會得罪土共選委,但不單令唔少市民覺得對佢有信心好多,而且亦都有助胡國興助攻,林鄭月娥頭半個鐘已經搞出烏龍波,如果呢場係足球比賽,林鄭月娥被人射入龍。

但真係到肉嘅混戰,係cross examination時間,胡國興用故宮追窮猛打,呢個打法係非常大狀嘅打法,穩陣而且有殺傷力。曾俊華用CY 2.0到撕裂2.0嚟打,無話唔得,只不過曾俊華打法有一個少少問題,就係個態度,相當美國佬,一吓要求熄咪,一吓直接寸林鄭月娥你講晒佢囉(林鄭月娥主場時間),呢個打法美國都得,只不過好容易被港人講地班契丹膠攞嚟做文章搞老屈。喺香港呢個華人社會,呢個打法係兵行險著。

只不過,林鄭月娥嘅自殺位,唔單喺黑警案,林鄭月娥聲稱不受香港人歡迎,會辭職負責,問題係,依家林鄭月娥已經係十分之不受歡迎,咁我想問,點解林鄭月娥仲要出嚟選,如果一上台果日,已經有一百萬人衝上街要佢落台,咁佢落唔落台?定由IFC頂樓跳落嚟?呢啲邏輯矛盾,真係擺明語言偽術。

至於觀眾問題,今次 特首選舉電視辯論 呢半小時最無厘頭問題,係有觀眾問陳志雲可唔可以選特首,隨時呢次 特首選舉電視辯論 最9up提問大獎,一定呢位觀眾,好膠。

呢半個鐘,胡國興同曾俊華表現好似,但總體嚟講,胡國興稍勝MVP,雖然曾俊華係咁射入龍門,但胡國興嘅打法係相對穩陣。

One thought on “特首選舉電視辯論 頭半小時評

發表迴響

你的電子郵件位址並不會被公開。 必要欄位標記為 *