屈穎妍-min

屈穎妍 係咪好想嘆極香濃廉記咖啡?

屈穎妍 今日喺專欄聲稱,因為曾俊華唔同意,所以禮拜日教協三雄之辯,無咗相互質詢環節。點知教協出聲明澄清,係曾俊華同胡國興同意咗搞相互質詢,係林鄭月娥唔同意啫,成件事一百八十度倒轉, 屈穎妍 想用不實言論向曾俊華開冷槍,點知俾教協反擊不止,仲連累林鄭月娥中槍,偷雞失敗。

屈穎妍 落筆前應該知選舉法例

屈穎妍 作為一位資深記者,應該知道佢要落筆落判斷,邊個要為教協三雄辯論中,點解無咗相互質詢環節負責任之前,一定要搞清楚事實,唔能夠老作或猜測,平日 屈穎妍 亂寫都算,但依定係選舉期間亂寫,根據《選舉(舞弊及非法行為)條例》第26條

  1. 任何人為促使或阻礙某候選人或某些候選人當選,而發布關於該候選人或該等候選人且屬虛假達關鍵程度或具誤導性達關鍵程度的事實陳述,即屬在選舉中作出非法行為。
  2. 任何候選人 ——(a)為促使他或跟他有關聯的候選人當選;或(b)為阻礙另一名候選人或另一些候選人當選,而發布關於他或跟他有關聯的候選人或關於該另一名候選人或該等其他候選人且屬虛假達關鍵程度或具誤導性達關鍵程度的事實陳述,即屬在選舉中作出非法行為。
  3. 就本條而言,關於候選人的陳述,包括(但不限於)關於候選人的品格、資歷或以往的行為的陳述。
  4. 在就有人作出第(1)或(2)款所指非法行為的罪行而提起的檢控中,被告人如證明在作出有關陳述時有合理理由相信該項陳述是真確的,即可以此作為免責辯護。

問題係, 屈穎妍 憑乜認為有合理理由認為,係曾俊華唔肯做相互詰問,而唔係林鄭月娥。呢件事上面, 屈穎妍 一係提供佢嘅消息來源,如果係林鄭月娥陣營裡面有人放流料累街坊,就由廉署去對相關人等作合理制裁,雖然好多人唔妥 屈穎妍 ,但都係根據法律嘅免責辯護。一係就解釋一下,佢作出如此猜度嘅證據同理據,等大家去分析係唔係合理理由,呢啲英國有case跟,唔難去作出判斷。但如果乜都無解釋過,又唔向公眾道歉,老吹當秘笈,我認為大家都係向廉署舉報,等 屈穎妍 嘆吓極香濃嘅廉記咖啡醒一醒神。

One thought on “屈穎妍 係咪好想嘆極香濃廉記咖啡?

發表迴響

你的電子郵件位址並不會被公開。 必要欄位標記為 *