we connect-官司-min

真. we connect connect到漏私隱賠三百幾萬美金

話說林鄭月娥以同行 we connect 做口號,由於同一隻遙控震蛋同名,結果被人恥笑到底。可能間加拿大製造商行衰運,用 we connect 相關嘅衰運未完。芝加哥有人入稟法院,控告 we connect 製造商 we connect 嘅app搞 we collect ,collect 埋佢啲高度敏感同私密資料,要賠成三百七十幾萬美金,真係唔知要賣幾多個 we connect 相關產品,而賺得番個錢。

we connect 個 app 真係藝高人膽大

其實 we connect 個廠商夠膽出個app控制住個按摩器,本身已經係藝高人膽大創舉,因為只要個app有保安漏洞,小則洩露唔少高度敏感嘅私隱,大則可以有啲唔生性嘅hacker控制件嘢,真係有乜結果我都唔識講,呢個世界好多嘢都可以玩遙控,但有啲嘢玩遙控,就一定要保安上做足,否則我恐怕個結果都會相當騎呢。而依家個廠商仲諗住要玩big data,collect晒啲敏感資料,無錯,呢個係好好改進產品嘅機會,問題係呢啲資料,如果可以被間公司identify到邊個打邊個,真係唔敏感就怪,所以 we connect 呢個 app 嘅 idea 真係大膽前衛,只不過,呢個世界唔係乜都可以connect嘅,而 we connect 官司,正係其中一個例子。

有人會問,依家唔係有乜嘢 AES-256 加密,再加 SHA-512 Hash digest,咁仲唔夠保密,如果你怕啲Data中途被人截取,甚至玩到再加個VPN AES-256加密,應該好難截到。只不過,真正核心問題生產商搜集咗啲資訊,會用嚟做乜先,呢個至係成個 we connect 官司嘅核心,呢樣嘢美國人就好重視,再加上美國打官司係好容易嘅,所以 we connect 嘅問題,至因此暴露出嚟。我諗除非個廠商可以做到,個 device 同個 app 之間,可以唔經製造商個web site直接連繫兼做保安核證,否則我睇嚟會有唔少人,係唔敢用 we connect ,費時被人 collect 咗啲資料唔知做乜春。

發表迴響

你的電子郵件位址並不會被公開。 必要欄位標記為 *