陳志雲-min

陳志雲 終審打甩,依家律政司點向公眾解釋?

陳志雲 案喺律政司係咁死纏爛打告咗n次之後,終審法院作出終極判決,判 陳志雲 上訴得直,堂費方面,就喺雙方作出陳詞之後,再作定奪。對 陳志雲 嚟講,佢終於可以甩身,值得恭喜,但律政司嘅作為,就好明顯係好有問題。

律政司為邊個狂打 陳志雲 先?

其實呢單案有一個位係好過癮,就係無線嘅大股東方逸華,根本係唔反對 陳志雲 接呢單Job,當然,亦好少電視台高層本身表演慾咁強,連藝人果樣嘢都撈埋。好明顯係李寶安唔妥 陳志雲 ,所以千方百計去廉署告佢,咁樣移走一個喺公司嘅大敵。但另一方面,袁國強係咁狂打 陳志雲 ,就令人懷疑以下是但一樣嘢,但邊樣嘢中都好,件事都一定遠遠醜惡過陳志雲接一個奧海城唔係好值錢,而且仲要為僱主帶嚟實際好處嘅騷:

  1. 李寶安主事下TVB狂支持梁振英政府,甚至為契丹資本主政鋪橋搭路,換取政府狂告 陳志雲 ,同埋令李寶安坐得好鬼穩陣。
  2. 根本係黎瑞剛果邊契丹政府嘅人馬要鏟除 陳志雲 ,所以梁振英收柯打情況下,要告到天腳底。

但無論如何,如果下任律政司仲係品性類似袁國強果種人去做,香港律政中心只會淪為東廠,好似UGL咁應告唔告,好似陳志雲咁就唔應告日日告到底,仲要有可能勁輸堂費,其實 陳志雲 上訴咁耐,都只係罰錢,其實個官都已經係認為呢單case有膠力,因為好少咁判。如果林鄭月娥上台,我對律政司嘅人選好有保留,你睇今次有啲法律界人士支持林鄭月娥嘅手法,果種黑暗醜惡,由果啲法律界人士去做律政司司長喎,真係乜嘢狗屎垃圾檢控都會發生,香港人啲公帑繼續浪費喺做政治工具之上。

除咗律政司人選外,香港嘅刑事檢控專員,應該好似Crown Prosecution Service獨立於政府,而監察亦唔係由律政司監察,應該係受立法會直選議員加超級區議會議員嘅監察,點解係直選議員加超級區議會議員,因為佢地係真民選,除非功能組別議員自削權力,同埋做嘢方式學人地House of Lords咁,否則你見到陳健波、梁君彥呢啲契弟,真係你唔飽,我都飽喇,日日講歪理當食生菜又無民意授權。

發表迴響

你的電子郵件位址並不會被公開。 必要欄位標記為 *