體院醜聞-min

體院醜聞 林鄭月娥應該點樣解畫?

喺今晚決定性電視辯論,七台辦播電視辯論即將播映之際,《壹週刊》爆出林鄭月娥擔任民政事務局常務秘書長期間,將沙田體院嘅部分用地,借舉辦奧運馬術賽為藉口,劉備借荊州,一去無回頭,當中仲涉及極速利益輸送,稱之為 體院醜聞 ,絕不為過。呢單醜聞今日爆,大家都食住花生,想知林鄭月娥點為 體院醜聞 解畫。

體院醜聞 隨時累一堆人入赤柱監獄過下半世

雖然林鄭月娥純粹係執行民政事務局常務秘書長職務,而作出利益交換,包括令部分體育界人士得以步步高陞,以及馬會得到果塊地,但又會唔會馬會又提供咗林鄭月娥利益,作為玉成件事嘅交換,簡單嚟講,係涉及一大堆可能係干犯公職人員行為失當,甚至係有人提供或收受利益嘅罪行,有可能令一堆人喺赤柱監獄過下半世,如果有人因此當選,會有乜法律後果,會唔會又好似UGL案咁,一直都查唔到咁呢,呢個係好受大家嘅關注,所以今晚嘅重點,唔一定係政綱,反正喺香港現有政制下,政綱其實無乜好打,林鄭月娥點拆呢單醜聞,反而至係最關鍵嘅一個問題。而林鄭月娥有責任答清楚,果次喺沙田區議會嘅秘密會議上,答過啲乜,同埋所謂嘅共識,其實係點樣達成嘅。

當然呢單嘢,除咗林鄭月娥,仲有一個人應該知情,並且應該解畫,果個人係當時林鄭月娥嘅上司,民政事務局局長何志平醫生,林鄭月娥有持續參與呢單嘢,呢個幾乎肯定,因為2007年7月之後,佢做咗發展局局長,香港土地政策幾乎都係佢決定,但係何志平醫生對果份秘密協議,又知幾多,跟住接何志平手嘅曾德成,又對呢件事知幾多?呢件劉備借荊州事件,涉及嘅一大堆利益都係黑過墨斗,究竟有無人為名為利出賣體育界,而出賣體育界,又換到乜返嚟,馬會換到塊地返嚟,又要付出乜代價?林鄭月娥喺呢件事具體角色係乜,呢堆問題全部公眾都想知,如果有人唔向公眾據實回答都唔緊要,咁咪將呢單嘢掟俾廉署,睇廉署會唔會及時開file,同埋喺適當時間請相關人士飲吓咖啡,交代清楚問題。呢單嘢唔可以就咁算,因為恐怕林鄭月娥任內,仲有唔知幾多單利益交換事件等住佢解釋。

發表迴響

你的電子郵件位址並不會被公開。 必要欄位標記為 *