的士罷駛-min

的士罷駛 ? 咁當初你班hihi又反佔中?

的士車主為咗反對政府嘅專營的士計劃,揚言要發動五百架的士,搞 的士罷駛 喎。

的士罷駛 又玩靠惡嘅招數

其實 的士罷駛 可以講係一貫班的士佬嚇政府嘅慣用招數,因為 的士罷駛 好容易引發騷亂,連英國佬都搞唔掂,英國佬咁硬淨都會跪低,咁依家你班契丹人搞更加會跪低喇,喺呢個背景下,所以的士車主至諗住罷駛,希望迫政府放棄好有可能令Uber喺香港就地合法化嘅專營的士計劃,咁樣班炒牌佬就可以繼續炒牌又唔駛承擔提供合理質素的士服務嘅責任。

問題係,你班的士車主當初咁鬼寸反對佔中,又話要撐警,依家政府寸步不讓,你同我講搞 的士罷駛 ,依家係你已經得罪咗最可能支持 的士罷駛 果班友在先,基本上,全香港都想你班的士佬同車主早日收工,免阻住個地球轉,如果真係搞 的士罷駛 ,最後搞出騷亂,全香港人會食住花生,由得你班的士佬俾差佬打,反正你班友撐七賊撐得咁過癮,咁呢次俾你班友自己受吓囉,所以呢次 的士罷駛 ,但唔會有任何民意支持,只會有堆花生友食住花生睇異獸戰。

如果班的士佬最後縮,係無五百架車喺條路罷駛,咁就仲好笑,乜話,原來你班友講吓咋,靠嚇㗎,唔好話市民恥笑你班友,係政府都唔會放你班友在眼內,專營的士計劃會上馬得更快,甚至乘機俾啲大財團去做都唔出奇。示威呢家嘢,最緊要係威,如果唔威嘅話,就係示弱,示咗弱唔俾人恥笑兼抽水就無天理。你話戴耀廷教授幾膠都好,佢個戰略構想搞出七十幾日佔領運動,始終都係凝聚到一股唔可以忽視嘅力量,政改最終亦係用最騎呢方法慘敗收場,亦為梁振英落台埋下咗伏線,你班的士佬罷駛,如果得小貓三四隻,全香港人真係會哈哈哈。

你班炒牌佬應該面對現實,喺香港政府眼中,你班友同用完即棄食具其實無乜分別,喺政治上利用完你班契弟,隨即拋棄,你以為擦政府鞋可以阻住Uber或專營的士,但現實係,你班友做得太垃圾,唔劏咗你班友攞分,唔通走去同民主派硬撼去攞分,真係睬你都傻。如果的士業界提唔出可以具體改善服務嘅計劃,我留名食花生睇你班友集體hihi。

發表迴響

你的電子郵件位址並不會被公開。 必要欄位標記為 *