梁振英-政協副主席-min

梁振英 做咗政協副主席真係咁過癮?

喺一大堆憲政爭議下, 梁振英 當選契丹全國政協副主席,一個虛銜,填補其中一個傳統由土共坐住嘅空缺。表面上,好似好威。只不過,我睇多張 梁振英 喺政協主席台席上嘅相,條友嘅表情心事重重,並唔似佢如果真係當選政協副主席所得嘅肯定咁威水。

梁振英 可能要長期喺北京

香港出過四位政協副主席,即係定位為「黨同國家領導人」裡面,得安子介,由成個人嘅履歷,以至中共俾佢嘅評價係「社會活動家」,應該唔算係黨員,係統戰需要頒出去嘅位,霍英東係「中國共產黨嘅親密朋友」,好大機會係地下黨員,如果董建華係繼承安子介果個統戰國民黨同工商界果個位嘅話,咁梁振英係繼承霍英東果個黨員坐嘅位,換言之,由佢依家呢一刻起,其實佢地下黨員嘅身份上咗水,而如果有乜冬瓜豆腐,要反貪反腐,中共就可以用對付自己友嘅方法對付,而唔係好似當佢係地下黨員咁樣,由於有「戰略需要」,同埋避免成個地下網絡被破壞,可以繼續收收埋埋,唔俾人知,所以 梁振英 果種心事重重,同佢當選特首果種牙擦囂張,係好唔同。

大家都仲記得,霍英東同安子介死嘅規格係唔同,安子介話係國家領導人,但佢喺香港死,治病亦唔會派專機同專人接到北京軍方醫院搞,但霍英東唔同,霍英東2006年癌症復發之後,北京係派人同專機送佢去北京接受治療,而且病情係國家機密,呢個係統戰需要派嘅頭銜,同埋堅係共產黨員嘅規格分別,你唔係地下黨,你患重病都可以留喺香港,如果你係地下黨,你患重病都可能要留喺北京。

由於 梁振英 相當年青,加上佢應該涉及重貪弊案,所以有可能政協副主席頭銜代表住, 梁振英 可能要經常留喺北京,甚至喺未來三個月都唔到嘅剩餘任期, 梁振英喺北京嘅時間多過喺香港,費時條友喺香港搞搞震無幫襯,我諗短期內 梁振英 未必被雙規,只不過,當UGL案發酵到一個程度,當 梁振英 已經唔喺香港公眾視線範圍內果陣,如果大家發現 梁振英 長期唔喺香港,咁大家應該知道,呢條友應該係被中紀委炮製,而唔係廉政公署炮製,其實係大鑊好多嘅。一切都有待事實去證明。

發表迴響

你的電子郵件位址並不會被公開。 必要欄位標記為 *