東張西望-min

東張西望 真係無皇管?

《蘋果日報》有報導指,市民投訴 東張西望 不得要領,因為 東張西望 係資訊娛樂節目,資料準確度係唔受法例規管,所以通訊辦,亦無法處理 東張西望 嘅投訴。

乜咁都得,當公眾唔知乜叫《電視通用業務守則 — 節目標準》,喺第九章,準確、公正、持平中,有以下三條條文:

2. 持牌人必須確保新聞節目,或有關香港公共政策或備受香港公眾關注而又具爭議的真實題材節目或有關前述議題的真實題材節目環節,能夠恰當地持平(個人意見節目除外,有關該等節目的規定,另見下文第17段 )。真實題材節目是指根據真實資料製作的非虛構節目, 例如新聞、時事節目、個人意見節目、紀錄片及採用調查手法報道的節目。
3. 所謂恰當地持平,是指節目或節目環節在報道不同的言論時, 必須以公正不偏的態度處理。討論備受公眾關注的問題時,節目應盡量反映所有主要而又關乎宏旨的觀點,以便求取平衡。有關節目或節 目環節不應隱瞞事實而有所偏倚,或輕重倒置而誤導觀眾。
8. 在本守則公布後三個月內,持牌人須自行制訂和設立一個機制,讓新聞節目主持人及有關香港公共政策或備受香港公眾關注而又具爭議的真實題材節目主持人,向持牌人披露是否有任何可能會導致其節目出現公正或持平問題的商業協議、安排或理解(不論是否以書面形式作出)存在。持牌人須運用其編輯判斷力,決定:

簡單嚟講,好似近排餵人奶阿媽投訴嘅 東張西望 ,根本係備受香港公眾關注而又具爭議的真實題材節目,邊可能無得管,通訊辦要偏幫CCTVB都唔係咁嘛。除非有人證明到,人奶問題唔係一個真實題材,果集 東張西望 無播出任何餵人奶阿媽嘅片段,就已經干犯第九章第2,3節。而 CCTVB 有大量廣告同奶粉有關,係唔係CCTVB嘅商業決定,嚴重影響到 東張西望 嘅編輯同取材,呢個問題通訊辦絕對有權介入,依家係政府為偏幫CCTVB而不介入,如果咁都得,通訊辦不如快啲執咗佢,由CCTVB自己攞埋嚟做咪算囉,係唔係。呢次奶粉節目事件,公眾絕對會睇實通訊辦點處理,如果政府堅持唔處理,香港就真係禮崩樂壞到失控到步。

發表迴響

你的電子郵件位址並不會被公開。 必要欄位標記為 *