有機菜-認證-min

有機菜 都有假,政府唔監管之過

根據浸會大學嘅研究發現,無論嚟自契丹,定嚟自香港嘅 有機菜 ,都有樣本係被驗出有農藥殘餘物,基本上,有農藥嘅菜,就唔可以聲稱做 有機菜 。大家俾多一倍錢去買 有機菜 ,都只不過想避農藥問題,但結果事與願違,都仍然有農藥。

有機菜 與商品說明條例

其實 有機菜 係應該有定義,同埋要有認證機制,因為 有機菜 呢三個字,代表咗呢個產品有premium嘅價值,會有商人為咗賣一樣嘢,但賺到多一倍嘅利潤,所以明明係落咗農藥嘅菜,都會聲稱係 有機菜 。喺美國、歐盟呢啲有完善農業政策嘅國家, 有機菜 係由政府定立標準去認證。好似美國咁,無錯,菜農係將蔬菜交俾私人公司認證,但係相關實驗室,係要向美國農業部(USDA)登記,並且受到農業部有機蔬菜政策嘅監管。換言之,你買美國嘅有機食品,你見到 USDA Organic Certification,你都應該少好多機會買到唔係有機嘅嘢,畢竟政府係有監管,但買中國同香港嘅有機食品,你係有機會因唔受監管,而買到啲農藥菜。

當然,政府儘早就 有機菜 作出適合定義,然後利用《商品說明條例》作出監管,呢個係最快嘅方法,根據《商品說明條例》第4條第1款

行政長官會同行政會議可藉命令,規定命令內指明的任何貨品須標明或附有與該等貨品有關的資料(不論資料是否構成商品說明或包含商品說明)或說明事項,或規定命令內指明的任何服務須附有與該服務有關的資料(不論資料是否構成商品說明或包含商品說明)或說明事項,行政長官會同行政會議並可在符合本條例的條文下,藉命令訂立規定,以確保該等貨品或服務標明或附有該等資料或說明事項,以及藉命令規管或禁止供應不符合該等規定的貨品或服務;而該等規定可擴及資料或說明事項的提供形式及提供方式。

如果個政府係堅做嘢,制止呃錢行為,係應該就 有機菜 嘅定義,或獲認證為 有機菜 嘅豁免條款,喺《商品說明條例》裡面加入附表,對果啲將農藥菜當 有機菜 賣嘅hihi繩之於法。問題係,依家呢個政府,就係好多時連呢啲基本過唔基本嘅常識嘢都唔做呢。

發表迴響

你的電子郵件位址並不會被公開。 必要欄位標記為 *