311地震-min

311地震 六週年

今日係 311地震 六週年,我諗,我比其他香港人或英國人略多少少資格講 311地震 ,如果 311地震 發生果刻,我喺東京地下鉄大手町駅,等候落車。幾乎一出地鐵就立即要撤離地鐵站,怕海嘯海水湧入東京灣,雖然最終無發生。

但 311地震 最可怕都未係海嘯本身,而係核電廠。

311地震 大家有汲取嗎?

311地震 本身未構成嚴重損害,日本建築嘅防震防火水平得到高度實證。海嘯當然死得人多,但比起我家鄉亞齊大海嘯,其實日本嘅海嘯防治水平,已經盡晒全力,但真正牽連廣泛,搞到東北重建艱困重重,其實係福島第一核電廠嘅核災難。人算不如天算,當推核電問題。

當然,有人歸咎通用電氣嘅Mark I沸水式反應堆設計有問題,所以由此推論,台灣電力公司同型號嘅核一廠,其實都要儘早徐役,免留後患。但核電更大問題係,除非你好似法國嘅監管機構咁,以最嚴謹嘅態度去看待核電廠營運,否則日本呢種天災多嘅地方,係唔應該用核電廠,而台灣就更唔應該。因為任何一個環節有閃失,就會釀成滔天巨災,呢個係好多一味因經濟發展而支持核電嘅人最唔負責任嘅地方,係呀,燃煤有碳排放問題,但碳排放同PM 2.5都有計去offset個side effect,核災難個side effect,點offset呀,大佬。

而契丹就一個更唔應該用核電技術嘅國家,契丹嘅核反應,未必好似日本咁,喺海嘯高危區或地震高危區,但契丹政府果種唔負責任態度,偏係漢字系國家之最,大亞灣核電廠同嶺澳核電廠,簡直係兩個計時炸彈嚟,仲未計台山核電廠,台山核電廠用嘅European Pressurized Reactor嘅設計,根本喺法國本土同英國都未經驗證,芬蘭嘅 Olkiluoto 3 可以喺2018投產,已經係要劏雞還神,我唔明點解契丹人,可以長期搵自己嚟賭,法國人搵芬蘭同契丹做白老鼠,契丹又一馬當先走去做白老鼠,我覺得成件事簡直係不可思議至極。

311地震 係對我影響好大一次地震嚟,而其中一個重大影響,其實係令我堅決反核。我返到香港,都要經NHS嘅檢查,係居於海外英國國民都要開NHS file,大家就知無嘢可以講笑。

我當年喺AM730寫嘅回憶錄,睇呢度

====
唔想呢度只係靠廣告,多去 shop.martinoei.com買嘢,或捐錢俾我們

發表迴響

你的電子郵件位址並不會被公開。 必要欄位標記為 *