葉劉淑儀-土共-min

葉劉淑儀 ,你依家至知土共都係一班白鴿眼呀

葉劉淑儀 入唔到閘後,死唔斷氣,係咁接受傳媒訪問。其中一段講啲土共有幾咁白鴿眼,好明顯,有選委喺梁振英話唔玩果日,就問 葉劉淑儀 有乜吩咐,一話林鄭月娥出嚟,立即轉軚。

葉劉淑儀 你依家至知香港啲土共都係一班白鴿眼嘅投機分子。

葉劉淑儀 係真天真定假天真

其實 葉劉淑儀 作為一個由英國管治年代嘅官僚投共嘅友仔,佢應該睇到其實好多所謂嘅愛國陣營成員,你估佢地真係愛契丹?呢班友其實心態同太監無分別,總之要估中邊個最後揸弗最重要,否則張曉明日日喺度放流料,話中央唯一指定支持林鄭月娥呢個戰略,背後合理性喺邊度?張曉明係一條仆街,但正正因為佢係一條仆街,佢好清楚依家投共班友嘅心理狀態,所以佢至敢日日揸住中央政府聯絡辦公室個朵招搖過市。所以 葉劉淑儀 以往見到果啲朋友,其實都係猜度張曉明嘅心意,一睇到張曉明嘅心意原來係支持林鄭月娥,就會乜嘢情義都唔講。其實 葉劉淑儀 同班友相處咗咁耐,無理由唔知呢班友就係咁現實,你係真天真,定係假天真?

其實香港人不嬲都係唔講情義,功利而且現實,從政入建制果班尤其係,社會撕裂,佢地根本唔在乎,最重要係依家呢一刻攞到盡,食到盡,然後送仔女係英美兩國讀書,反而呢班友以為,有排都唔到佢地出事。只要佢地未見到棺材,佢地就唔會怕黑。

當然, 葉劉淑儀 果句話唔做特首都好,唔會因公職人員行為失當入獄,雖然 葉劉淑儀 聲稱係佢個女講,但呢句嘢故意講出嚟,其實係有骨,好可能做咗特首之後,要派片,或者近得啲大孖沙太多,又涉及太多嘅利益而Corrupted。曾蔭權好明顯就係由於掂得太多複雜嘅利益,最後幾虔誠嘅天主教徒,都難過被腐化呢一關,而梁振英有幾腐敗,都係留番中紀委慢慢查飽佢。而我相信,林鄭月娥可以上到特首呢個位嘅話,佢上台後面對嘅利益關係,會比佢做發展局局長,或者政務司司長期間更加錯綜複雜,當涉及一大堆複雜嘅關係網果陣,其實好容易中公職人員行為失當果條罪,如果做特首做到要喺監獄退休,咁都係唔做好過做,其實 葉劉淑儀 故意暗爆啲內幕出嚟,大家可以咀嚼吓。

發表迴響

你的電子郵件位址並不會被公開。 必要欄位標記為 *