關公保險-min

關公災難 ? 呢個世界有 關公保險

喺網絡年代,其實唔只大公司,一般人都好易中關公災難,律師信魔人如梁振英,梗係唔怕,反正佢鍾意就請律師派律師信。但對於一啲細公司,如果被對手惡意攻擊,咁就大件事,邊有錢去搞反制行動,唔好講派律師信,搵人搞 social media + SEO 都未必有錢。不過,依家日本有種叫 關公保險 ,或者大家可以考慮吓引入香港,或者可以救唔少公司喺 關公災難 。

關公保險 對PR產業係好事

所謂嘅 關公保險 ,就係一旦出現有人針對你個人或公司嘅惡意攻擊,損害名譽果陣,保險公司會賠償俾番搞反SEO,反制facebook行動,甚至係出律師信嘅費用。當然,由於香港仲有助訟同包攬訴訟嘅法律,呢種保險未必能夠資助法律費用,因為有可能構成助訟同包攬訴訟嘅風險。只不過,只能能夠出到錢搞反制行動,就已經幫到唔少人,亦某程度上阻止到某啲人搞網絡欺凌,因為玩得太過,有人用保險公司財力介入嘅話,後果可以好嚴重,相信都無人想喺財力上同保險公司對抗架。

對香港PR產業,特別internet PR都係好事,至少唔駛成日只係做大公司生意,小公司都可以出得起錢搵人保住名譽,亦唔駛爭果啲同生產力局啲茂利,夾埋啲兩舊水幫你裝ICQ果類型友仔,收你千六銀一個workshop(係,千六銀)嘅生意。PR產業可以服務到唔同類型嘅行業,唔係大公司嘅專利,中小企未必需要一個常設公關,但如果遇到關公災難,一定要專家幫手,咁 關公保險 對PR產業、保險業同中小企業同個人都係多贏。如果香港無助訟或包攬訴訟嘅法律,甚至有可能因此多咗好多律師信添,因為大家都唔駛有梁振英咁嘅身家,都可以出得起律師信,而果啲五毛都唔會敢咁放肆,因為做五毛嘅結果,好可能係真係要承擔法律後果,結果係作為proxy嘅VPS Server可能要關閉提供俾五毛嘅服務。

不如依家未知香港有邊間保險公司,夠膽賣 關公保險 ,話唔定可能有人走去日本買 關公保險 ,畢竟依家買保險無分國家,最緊要都係保險公司真係如約賠錢,發揮保障作用啫。

發表迴響

你的電子郵件位址並不會被公開。 必要欄位標記為 *