香港電台約章-林鄭月娥-min

香港電台約章 係政務司司長簽,梗係林鄭月娥接手

香港電台電視嘅質素問題,林鄭月娥無端端攞嚟開火,仲諗住乘機將個波推到曾俊華度。表面上,商務及經濟發展局向財政司司長負責,香港電台係由財政司司長管。只不過,林鄭月娥千算萬算,算漏咗 香港電台約章 嘅存在,而 香港電台約章 由邊個簽署,就意味著邊個負責香港電台嘅具體決策問題。

香港電台約章 係由政務司司長簽署

香港電台約章 ,係A貨嘅BBC Royal Charter。英國政府要管BBC營運,靠就係份BBC Royal Charter,以及相關連嘅BBC Trust,而香港嘅A貨就係 香港電台約章以及香港電台顧問委員會。當然肥彭做BBC Trust主席果陣好和味,人工成百萬港紙一年,一個禮拜返三日工,而陳健強果條梁粉牙醫,就無呢個福份。2010年頒佈第一份 香港電台約章 果陣,係由政務司司長唐英年簽署,喺約章上講明係由三條友簽,同埋每五年喺處長同廣管局主席同意下,作出檢討。但可以肯定,文件上 香港電台約章 嘅孭飛人一定係政務司司長,一如西九文化區嘅孭飛人,都幾乎肯定係政務司司長一樣。

香港電台約章-林鄭月娥-min
香港電台約章-林鄭月娥-min

林鄭月娥擔任政務司司長任內,即係2015年,啱啱好 香港電台約章 行咗五年,咁即係,林鄭月娥肯定負責過 香港電台約章 駛唔駛檢討嘅問題喇,點解林鄭月娥可以咁夠膽,將 香港電台約章 嘅簽署責任同監管責任,推晒俾財政司司長曾俊華。我可以咁講,2010年 香港電台約章 簽果陣,曾俊華係乜都唔知,而商務及經濟發展局當時,就 香港電台約章 相關問題,亦只會係向政務司司長匯報一樣。

香港電台約章 有呢個安排係可以理解,一方面,香港無文化部,喺無文化部情況下,呢啲廣播事務嘅嘢,以往英國歸內政部管,換言之,呢個好明顯係政務司司長嘅工作多一啲。另一方面,香港電台係負責英國政府在港心戰工作,直至麥理浩上任,香港電台開始走向英國廣播公司模式編採自主為止,所以呢啲心戰相關嘅嘢,一定係布政司睇,唔無理由財政司睇,喺英治年代,財政司係好技術嘅官僚,邊度會掂啲政治嘢至得。

所以,林鄭月娥將啲責任推晒落曾俊華度,根本係不負責任,亦不知所謂。

發表迴響

你的電子郵件位址並不會被公開。 必要欄位標記為 *