歐陽照剛-min

歐陽照剛 做馬化騰私人保鑣

香港歷史上唯一華人飛虎隊阿頭 歐陽照剛 ,據報將會出任中霸集團嘅物理安防主管。中霸集團不見經傳你未聽過,但如果研究中國政治同財閥關係,都應該知道中霸集團係乜公司。呢間香港註冊成立嘅有限公司,係馬化騰全資擁有,而呢間公司唯一作用,就係控制騰訊公司。連馬化騰嘅私人廚師、司機,都唔係向騰訊公司負責,而係向中霸集團負責。所以簡單嚟講, 歐陽照剛 做嘅角色,係馬化騰嘅私人保鑣阿頭,一如李君夏做李嘉誠嘅私人保鑣阿頭一樣。

點解馬化騰要請 歐陽照剛

其實以中國解放軍人數之多,如果馬化騰要保障自己安全,可以請個退役解放軍或武警高官,作為自己保安頭頭。但現實上,馬化騰唔可能咁做,馬化騰請 歐陽照剛 嘅舉動,其實反映肖建華事件以嚟,中國啲有錢人係幾無安全感,甚至有必要果陣,要請啲堅係打得人嘅人保護自己,免得自己深受其害。

  1. 中國解放軍係唔係真打得,其實睇肖建華同馬化騰就明,肖建華喺四季酒店請嘅,係鬼佬幫佢做保鑣,所以強力部門至要同樣喺四季酒店租房監視,趁佢身邊保鑣少啲至帶走佢。我相信,馬化騰請 歐陽照剛 ,實際上除咗睇中 歐陽照剛 好打得,更可能想借重佢喺飛虎隊期間嘅經驗,甚至喺香港警察挖走做過飛虎隊嘅人。畢竟飛虎隊承傳自英軍SAS,堅好打
  2. 歐陽照剛 可能媚共,但唔大可能係中共黨員,未必會同強力部門合作,甚至利用佢喺警方嘅關係,阻止強力部門嘅人玩嘢。但如果請個解放軍或武警退役將領,因為都係黨嘅人,一旦強力部門出手,呢啲人未必敢同強力部門硬撼,畢竟呢樣係等同叛變,甚至呢啲退役將役會暗中將自己嘅行蹤交晒俾強力部門,屆時仲大鑊,一如肖建華條友,請嚟請去都係鬼佬做保鑣。我相信,如果唔係語言問題,馬化騰請啹喀做保安都唔奇。

所以啲契丹大富豪,遲早會高薪聘請更多香港警隊嘅精銳做私家保鑣,原因唔難理解,當契丹出現咗呢股反貪浪潮,而強力部門喺香港又乜都得嘅時候,除咗請受英國人影響,仲講吓專業操守嘅香港前警員做保鑣,佢地仲有乜辦法去自保,唔通佢地等變肖建華第二咩。

發表迴響

你的電子郵件位址並不會被公開。 必要欄位標記為 *