警察-min

香港 警察 公共關係科知唔知自己post咗乜聲明出去?

香港 警察 喺今日黃昏,出咗個極無厘頭嘅post,呢個post點解係極無厘頭,因為香港 警察 官方facebook,竟然轉貼政府紀律部隊人員總工會嘅聲明,有關聲明同 警察 有無關固然唔知。只不過,呢個聲明香港 警察 官方網頁根本唔應該貼出嚟,無論係為咗工會本身,定係為咗政府本身,管理香港 警察 facebook嘅PPRB,簡直係食懵咗嘅狀態。

警察 係必須同工會保持距離

首先,點解 警察 唔入得工會,因為 警察 入咗工會,就會變成一股失控嘅力量,所以全世界好多國家嘅 警察 ,武裝化程度高嘅都唔准入工會,係果啲唔陀槍果啲,就有可能俾入工會。依家 警察 官方fan page貼出紀律部隊人員工會聲明,係唔係代表警務處長打算俾 警察 加入工會,呢個將會係政策上嘅重大轉變,係必須諮詢公眾,唔可以任由政府自把自為,同埋如果可以搞工會,係唔係黃絲嘅職工盟都搞得先,唔可以獨厚工聯會喎,呢個問題極為複雜,我唔知PPRB貼聲明之前,有無諮詢過一哥,甚至保安局局長嘅意見,定係全部都唔知相關政治後果,都係盲毛嚟。

另一方面, 警察 咁貼聲明,亦係擺工會上檯,咁作為工會成員,會質疑一旦會員嘅立場同利益,同政府有正面衝突果陣,咁工會係幫政府果邊,定會員果一邊,呢個問題好嚴重,點解工聯會嘅工會喺1997年後不受信任,因為工聯會擺明係政府工會,或者啲人叫黃色工會,無咗同資方保持距離嘅獨立性,如果職工盟唔係太多左膠,甚至有部分左膠係人鬼難分,我相信工聯會崩潰得儘快。

所以我唔知 PPRB 邊個揸主意發呢篇,目的不清楚,意思不清楚、定位有問題,會引發關公同政治災難嘅奇怪聲明,我唔信PPRB自把自為,咁依家中聯辦同保安局高層個腦究竟諗緊乜,知唔知當中嘅後果可以嚴重到乜程度,定係七警案係咁被公眾打,陷入捱打狀態,已經到咗一個唔知自己做緊乜嘅程度,所以一而而,再而三犯錯。我可以講,如果紀律部隊啲人仲未知道自己喺乜嘢境地,我祝佢地好運,依家七警案已經成為一股漩渦,將紀律部隊嘅聲譽埋葬。

發表迴響

你的電子郵件位址並不會被公開。 必要欄位標記為 *