食狗肉

契丹人戒咗 食狗肉 同魚翅嘅習慣先好話人

德國有間T恤公司,整咗套T恤,話食契丹人救狗,同食契丹人救鯊魚,諷刺契丹人 食狗肉 同食魚翅嘅野蠻行為,契丹駐德使館指T恤辱華,要求下架。連契丹啲使館作風都野蠻過人,如果我係德國間公司,肯定設計多一套T恤招呼呢班契丹使節。

食狗肉 食魚翅 陋習一早要改

點解德國人設計呢套T恤,因為契丹人 食狗肉 以及食魚翅嘅習慣,唔單只傷害環境,而且十分之殘忍殘暴。食魚翅肯定係公認殘忍行為,因為啲人攞魚翅係割咗鯊魚嘅翅,然後由得無游泳能力嘅鯊魚自生自滅,呢啲用凌遲處死係無分別,我唔認為凌遲處死動物係一啲人類應有嘅行為,所以單係食魚翅呢個問題,都抵德國T恤設計師係咁抽你水抽到乾為止,仲好意思叫人撤架,你不如做番好禁止魚翅入口嘅措施好過喇。

食狗肉 ,呢個我個人認為都唔能夠接受,狗嘅智慧係未必高過豬,但有一點大家唔記得,依家大家食嘅肉,嚟自係一啲可以馴養嘅食用家禽,成個飼養過程,以至揀嘅物種,都未至於令人太難受。但契丹人點養果啲食用貓狗,甚至有好多係求其捉啲流浪貓狗攞去食,呢啲赤裸裸嘅野蠻行為,係剩番兩個國家死唔認錯,一個叫契丹,一個叫大韓民國,其實一個知恥嘅民族同國民,就應該自己反省吓,並且嚴格執行禁止 食狗肉 嘅法令。契丹講到防瘋狗症要殺晒啲狗,點解又唔禁止啲人捉狗或養狗食用呢種行為呀。

其實西方標準好一致,西方國家並唔因為日本係盟國,甚至日本好似好文明,而放過日本食鯨魚肉,以及和歌山果啲殘忍捕捉海豚嘅行為,如果成日鬧日本呢方面,果方面殘忍唔文明,咁點解西方國家批評契丹人 食狗肉 嘅行為,契丹人嘅態度仲衰過啲日本人?係日本人虛偽啲,定係契丹人連基本上知恥能力都無,變成咗一個禮義廉國家,唔認為自己有需要遵照普世文明標準去做嘢。

如果契丹人唔想我再叫佢地做契丹,唔該喺多方面文明標準上,真係做番個文明人,而唔係攞要做文明人呢個口號用嚟欺壓少數民族,我用契丹人嚟形容今日嘅中國人,除咗係膠事錄嘅發明,我認為係有佢嘅道理,今日嘅契丹人,實際上配唔上華夏之名。

發表迴響

你的電子郵件位址並不會被公開。 必要欄位標記為 *