李少光-min

李少光 唔好亂咁攞美國嚟比

李少光 ,有份搞到香港禮崩樂壞嘅其中一位前保安局局長,竟然喺電台大言不慚,話如果喺美國,七警開槍都仲得,唔認為已經係七賊嘅七警有錯。 李少光 當香港人唔識美國情況亂噏廿四,我認為有必要反擊呢啲胡說八道嘅賣港港奸

李少光 美國人有槍 香港人無呀

喺美國,一般好少嚴刑迫供,或者用私刑打犯,一方面,亂咁打犯會引發好大件事,無人想孭鑊,另一方面,一打咗犯,根據憲法14th 同 15th amendment,控方相關供詞立即唔可以呈堂,打犯等同放犯係美國常識嚟,所以美國做警察有時要EQ高,因為有啲仆街犯人係會言語上激嬲個執法人員,然後引你中due process of procedure下嘅陷阱,如果香港都行類似嘅 due process ,你睇吓啲差人仲敢唔敢咁燥底。喺美國,差佬都知,要對付個犯,係送到法院至有用,你自己私底下對付係無用,依家你唔係 The Training Day 裡面果個 Denzel Washington ,搞啲游走黑白之間嘅事。

喺美國,點解差佬容易亂開槍,特別 overreact情況下開槍,因為美國民間可以持槍,美國持槍係憲法權利嚟,所以美國執法人員面對嘅環境同香港好唔同,美國執法人員,係隨時要面對一個suspect持有至少係OC Foam(胡椒噴霧)嘅武力,喺美國,胡椒噴霧連槍械都唔係,純粹係自衛防狼武器,而犯人可能係持有AR-15或者AK-47之類武器,換言之,你面對嘅人武力比你仲強,差佬好多時只有一枝 law enforcement型號嘅曲尺手槍,喺呢種情況,有懷疑先開槍保護自己係好正常嘅反應,因為你唔開槍,隨時死果個係你,因為係美國呢種民間人人有槍嘅情況下無可避免嘅情況。

香港呢?香港連胡椒噴霧都唔俾民間擁有,當成槍械處理,更加唔好講民間擁有槍械,當武力水平完全唔對等果陣,警員唔係有責任保持高度克制咩,如果依家已經可以打犯, 李少光 係唔係認為警察可以隨便槍斃疑犯,好似國共內戰時期咁樣? 李少光 呢啲人,唔係港奸,我真係諗唔到第二樣嘢形容佢,如果 李少光 游說到契丹政府容許香港人人有槍至好出嚟亂噏廿四好唔好?

發表迴響

你的電子郵件位址並不會被公開。 必要欄位標記為 *