tripzilla

Tripzilla 咁俾稿費都得:廿蚊港紙兩千五字!

點解我依家好多時,寧願將文自己擺喺 blog 寫,因為除咗主流傳媒,其他地方嘅稿費,可以低到一個非人水平。好似有位旅遊作者,遇到 Tripzilla 嘅仆街編輯夠薑只係offer廿蚊港紙,二千五百字嘅稿費都夠膽死,你就明點解我寧願自己賣文,同將文擺blog server。

Tripzilla 老闆錢佢賺晒,當作者係死嘅

Tripzilla 係一個旅遊網站,以新加坡為總部,靠同酒店、旅行社等合作嚟賺錢。我唔理個business model係點,但稿費係有個價,至少唔好低到自己擺上blog賺Adsense仲多過你啲稿費至得架,但 Tripzilla 好明顯係錢就老闆自己賺晒,稿費就完全唔計打字都要時間,廿蚊兩千五字,就算我呢啲快刀手,寫篇八百字嘅文都要四個字喇,而且旅遊稿一定要自己去,咁機票食宿全部唔係錢嚟,呢啲老闆唔係賤視文字工作者又係乜,真係仲衰過法定最低工資。所以呢啲網站我立場好簡單,就係杯葛到底,無理由個網站啲友仔個個扮晒身光頸靚,要啲作者去食西北風。

當然唔係個個作者好似我咁,自己有能力起網站,甚至連e-shop都起埋(六點幾有一批日本製電腦推出街,先預告一下),所以好作寫字嘅人至咁淒慘,點解我鄙視好似立場新聞呢啲機構,因為呢啲機構同 Tripzilla 一樣,廣告錢同捐款係個網站,但作者係無得分,呢樣係完全唔公平,簡直開壞先例。所以我啲稿,一係自己blog出,一係要有稿費,無酬供稿我係好特殊嘅情況,例如公眾利益需要我至咁做,因為太多人以為可以咁樣當作者係免費勞工,簡直欺負啲作者唔識起server,如果全香港啲作者個個識起Server,我真係覺得啲仆街公司係無咁易得逞。要稿呀,買版權呀,或者喺作者嘅page落特約轉載。

呢啲仆街網站嘅存在,亦某程度同讀者有關,有啲唔出稿費嘅網站,我認為無必要捐款,even打住新聞自由旗號,但如果係作者本人嘅網站,大家諗吓點支持個作者喇。好似有線新聞咁,唔好同我講眾籌去救,如果有人提出集資買有線新聞部,再行subscription model(例如PCCW now當一個額外俾錢頻道嚟做),堅係俾錢至有用,要救人唔可以得個like或者吹㗎,無新聞自由可以由like果度like返嚟。

發表迴響

你的電子郵件位址並不會被公開。 必要欄位標記為 *