板燒雞腿飽-min

由 板燒雞腿飽 睇契丹人管理問題

在契丹資本入主麥當勞香港在即,麥當勞香港取消咗 板燒雞腿飽 在三款款式,準備以三款Signature Collection嘅款式取代,被人鬧爆。 板燒雞腿飽 唔係特別好食,但肯定係性價比高嘅產品,至少合符香港市場要求。呢啲無厘頭取消產品嘅舉動,其實反映契丹式管理嘅問題,香港麥當勞真係前景暗淡。

取消 板燒雞腿飽 係小農思維作怪

契丹管理通常有幾個常見問題,往往一個好嘅brand都會變垃圾brand收場:

  1. 唔理在地品味,唔承認自己品味差,仲要強加自己嘅品味喺人地度,結果產品不受歡迎,王征年代嘅亞視係典型例子。
  2. 一味求賺盡,唔理自己產品原本定位,亦無做必需嘅品牌改革,貿然上馬。其實取消 板燒雞腿飽 無話唔得,可以喺McDonald Next果啲走高級路線嘅旗艦店進行,但契丹人急於求成,要立即全線推行,結果係未正式接管,已經惹上關公災難,大公司跑數跑少日係唔駛死。
  3. 急於展示主權,其實大部分財團,特別美國財團買咗間公司返嚟,唔會立即改變企業同原東主嘅關係,好似HKBN,你講大家仲以為係王維基,唔知佢已經係美資電訊公司。但係契丹,係未上場已經改item,慌死人唔知麥當勞已經變咗契丹快餐店,大家唔駛食落去。近二十年一國兩制咁失敗,都同契丹人呢種思維方式有關。
  4. 唔尊重當地人嘅價值,暗中做啲唔守規矩嘅嘢,好似Lenovo係例子,Lenovo已經係咁多間契丹公司之中,最克制果間,搵鬼佬管,仲係維持IBM年代形象同文化,唔強調自己係一間契丹公司。但係契丹人係狗改不了吃屎,暗中加Superfish spyware結果又係令Lenovo嘅Consumer Line唔用得,成個brand嘅價值毀壞晒,依家剩番Corporate market嘅Think系列,仲係維持到IBM年代水平,亦唔見spyware。

契丹人唔認自己嘅文化有問題嘅話,乜嘢國際頂級大品牌到你手都無用,品牌唔係用錢可以買,一個品牌嘅價值,係要接納品牌成套文化同價值觀去維持,但契丹人好明顯無呢個概念。

發表迴響

你的電子郵件位址並不會被公開。 必要欄位標記為 *