港台電視-min

港台電視 點解唔掂:問梁振英蘇錦樑兩條仆街同埋土共

林鄭月娥出席記協座談會果陣,主動批評 港台電視 唔掂,問點解成日播硬照,又話可以重播佢啲金句,例如官到無求膽自大,真係無恥到爆。只不過, 港台電視 點解製作質素唔掂,我可以用香港電台節目顧問團團員嘅身份答你,我應該係少數團員做過製作工作。

港台電視 無錢買片

點解林鄭月娥成日見到 港台電視 播硬照,一方面, 港台電視 倉卒成立,未必及時將個video library digitized,當然土共阻止港台大樓撥款都係關鍵(仲要有件姓鄭嘅hihi所謂名嘴推波助瀾),但另一方面,係因為 港台電視 唔夠經費買片,任何footage都涉及版權,涉及版權就要俾錢,除非新政府可以提供充足經費俾 港台電視 買footage,以及將港台電視部嘅片庫數碼化,否則呢個問題有排都解決唔到,呢個係任何做過電視或電台嘅專業人士都可以答你,林鄭辦公室嘅公關主任就係戴健文,官至副廣播處長,D100當年買香港電台新聞,香港電台果邊接頭人就係戴副處長,D100果邊就係我。林鄭月娥唔明發生乜事,戴健文應該可以俾到好專業嘅答案你,或者搵個做過電視部嘅人,俾啲好專業嘅答案,但唔好問周融,你問個李蓮英思維嘅人係唔會有任何專業而真實嘅答案。

但點解 港台電視 要相當budget,接管埋亞視模擬廣播部分,經費都無加,決策果個係梁振英同蘇錦樑,唔好話曾俊華嘅事,呢啲嘢好明顯係梁振英親自過問,否則點可能由梁家榮做廣播處長至得。其實 港台電視 真係作為一個獨立嘅電視台,係應該有番電視台嘅經費,香港電台嘅經費係要大增,甚至應該考慮喺差餉裡面撥一筆錢,作為 港台電視 嘅經費,一如BBC嘅電視廣播經費,好大程度上係TV Licence果度撥出嚟,反而電台廣播果部分其實係送嘅(英國買收音機唔駛牌費,但電腦同電視要,以住宅單位計算)。

仲有,CCTV 9係垃圾台嚟,擦鞋都咪咁核突,喺公共廣播嚟講,契丹CCTV係唔及格,我寧願撥多啲錢,轉播BBC One嘅節目嚟香港好過,對提升香港人整體英文水平有幫助,相信BBC One節目掂唔掂,你林鄭月娥自己心中有數。

發表迴響

你的電子郵件位址並不會被公開。 必要欄位標記為 *