谷卓恆-通緝令-min

谷卓恆 Red Notice 真假:星島報系需要更多解釋

星島同大公話 谷卓恆 被Red Notice通緝,但Interpol網站無 谷卓恆 任何被通緝資料後,星島報系旗下巴士的報,3月10日展示所謂嘅 Interpol 內部文件,話 谷卓恆 確實已經喺 Interpol 發出嘅Red Notice裡面。

星島以為咁樣大家唔懷疑,錯喇,事實上係懷疑更多。

谷卓恆 入咗Red Notice點解唔登網站

如果一個被 Interpol 成員國要求,Interpol並且發咗 Red Notice , Interpol 可以唔展示果張 Red Notice,不過一般係request果個國家提出。咁奇怪,契丹政府如果堅係向 Interpol request咗針對 谷卓恆嘅 Red Notice,點解要求 Interpol 唔公開,假如星島手上果份嘢係堅嘅話。

況且,星島果份嘢係咪一份 Red Notice 我好有懷疑,首先,來源不明,究竟係邊個俾呢份資料,定係契丹慣技,有人偽造文書,無人知,點解大家信 Interpol 網站嘅料,因為 Interpol 網站無得做假,大家一驗網站上嘅EV SSL Certificate就知呢個係一個堅嘅網站,你星島報系可以提供任何證明,證明佢手上嘅材料係一份真確,已經有國際刑警秘書長簽署嘅Red Notice。

我相信,份嘢係假唔晒,但有可能係深圳市公安局,或國際刑警中國國家中心局接觸到國際刑警內部通訊系統,針對 谷卓恆 Red Notice 嘅申請信息嚟,國際刑警秘書處批唔批,無人知,但至少有一份 print out俾中聯辦啲友過骨就夠,就算北京國際刑警中國國家中心局最後唔批 谷卓恆 Red Notice 嘅申請遞到法國嘅國際刑警總部,但至少可以用嚟俾張德江控制下嘅傳媒呃香港人,呢點已經夠晒皮。因為堅係 Red Notice 嘅話,應該係尾處有國際刑警秘書處發出嘅字樣,而依家呢份,似係入電腦系統嘅申請,或申請完成後嘅一份認收書之類物體print出嚟,而且仲要係斬頭斬尾,甩頭甩骨,你叫我點信你星島報系呢份咁嘅料呢?

如果夠把炮嘅,叫北京國際刑警中國國家中心局,容許 Interpol public份 Red Notice再講(假如堅係有嘅話)

發表迴響

你的電子郵件位址並不會被公開。 必要欄位標記為 *