共諜

契丹果然派 共諜 嚟台灣留學

台北地檢署今朝早將一名契丹留學生周泓旭拉上法庭,以懷疑佢喺台灣幫契丹搜集情報,係 共諜 嚟,要求扣押,獲台北地方法院批准,係第一宗契丹留學生 共諜 案。

契丹實派 共諜 嚟台灣留學

2009年我開始喺《自由時報》寫台灣政治,其中一點就係明確反對契丹學生嚟台灣,因為好多根本係 共諜 嚟,當時馬英九政府趕住賣台,梗係唔理我呢個香港人講乜,但契丹留學生必有 共諜 混入其中,呢個只不過係讀中共黨史嘅人應有嘅常識,因為中共嘅滲透方法一百年都唔變,由留學生到你身邊掃街果個,都可以係 共諜 ,情報質量係唔重要,最緊要係有必要果陣,攞到佢要嘅嘢,同埋將啲流料俾到你手,或喺你生活細節上害到你雞毛鴨血,蔣介石都中招,更何況你依家嘅台灣。所以唔好話台灣,香港嘅契丹留學生,我都係極有保留,甚至依家我會假定呢班友都係 共諜 嚟,香港人最好敬呢班敵人嘅戰士而遠之。依家蔡英文政府上台後一年,至開始拘捕行動,雖然慢咗兩拍,但都係正確嘅一步,希望最終目標係唔再收契丹留學生。好似賈選凝呢啲賣港狗賊,都居然可以喺台灣讀博士,簡直係荒天下之謬,馬英九治下台灣有幾咁無掩雞籠,可以一班,都未計啲大學為咗收契丹留學生,竟然簽埋啲唔搞台獨承諾書,簽承諾書果啲校長,應該全部當 共諜 論處就差唔多。

其實愛國不愛黨只係神話,因為無論國民黨定共產黨,都係利用華人對民族主義嘅唔認識,將華人對國家嘅渴望,變成咗對黨甚至對個人嘅盲目崇拜,呢種技倆,甚至連黃毓民都有用到(你唔記得乜叫天下唯一本土係乜春,呢啲咪係國民黨啲賤招攞嚟用),所以要避免愛國不愛黨病毒上身,你只能喺國家認同上面,同契丹呢個國家劃清界線,以及唔好對契丹嘅人民有任何嘅幻想,我唔排除契丹有極少數清醒嘅好人,清醒嘅人永遠都存在,只不過,你睇契丹人喺薩德導彈事件嘅表現,清醒嘅人只會越嚟越少,要改革契丹,要好似當年美國改革日本咁,係要透過軍事佔領一段時間去實現,問題契丹呢啲變咗同廢墟一樣,人口眾多嘅國家,邊個傻佬想去佔領。係得契丹人成日幻想有人想入侵佢地嘅國家,事實上,呢個世界無人想管理呢啲國家,一如英國人雞咁腳咁離開印度一樣,因為印度係一個膠國,獨立其實對英國係有好處。

發表迴響

你的電子郵件位址並不會被公開。 必要欄位標記為 *