太平報-1

習系透過 太平報 傳達挺曾訊號?

近日,有唔少人收到一份怪報紙,叫 太平報 ,印刷同排版極有契丹味道,印嘅內容同成報好似,都係極力挺曾俊華,不見經傳到爆,只不過,好奇怪,竟然有 太平洋保險喺中國嘅公司,以及太平保險香港總公司嘅廣告喺度。呢份周圍派,叫 太平報 嘅怪報紙,似係習近平傳達挺曾訊號嘅工具,事態越嚟越唔尋常。

太平報 嘅玩法係故意嘅

太平報 嘅玩法有幾古怪,我將一份 太平報 嘅pdf攞上手,screen capture 咗俾大家鑒閱一下

太平報-1-min
太平報-1-min
太平報-2-min
太平報-2-min
太平報-3-min
太平報-3-min
  1. 呢份報紙平日係街上見唔到,但有選委竟然好神秘咁收到呢份嘢嘅印刷版,查多兩查,至發現呢檔嘢原來有網站,至發現呢檔怪物嘅存在。
  2. 一份不見經傳成咁嘅報紙,竟然有太平洋保險,同太平保險嘅廣告,好明顯啲廣告唔係用嚟做marketing,除咗方便喺金錢上資助 太平報 呢檔怪物之外,另一個重要目的,就係表明報紙內容,係受到契丹某個派系認可嘅立場,堅過石堅。呢啲有讀中共黨史嘅人,大概會明
  3. 呢次登廣告嘅太平保險,太平洋保險,幾乎係期期都有喺 太平報賣廣告,太平保險係習系控制,習近平訪英期間有份跟住去,而太平洋保險,本來係江系地盤,但中紀委巡視組曾經清洗過,基本上已經將江綿恆啲人馬趕得七七八八。

喺呢個時候,出份咁嘅報紙出嚟,仲係有目的咁派俾選委,其實當中嘅政治訊號係好清楚,就係習近平同中聯辦嘅諗法,係完全兩回事,唔好聽某啲人老點吹水,而呢個方法,亦某程度上迴避晒中聯辦嘅監視系統,亦無大家對《成報》同《大紀元時報》唔相信嘅問題,因為《成報》個老闆仲有嘢被江系抹黑,而《大紀元時報》係法輪功報紙,但呢份 太平報 係中央國企會登廣告嘅報紙,唔理份嘢幾騎呢都好,大家都唔可以太忽視呢份嘢嘅訊息。

當然, 太平報 嘅背景係乜,過往咁多期太平報嘅內容取向,以及同成報嘅比照閱讀,我會稍後時間喺呢度慢慢同大家分析,只不過,依家好明顯一樣嘢係,曾林大戰,好可能係習江大戰嘅一個重要戰場嚟,而香港同契丹未來政治變化,好可能同呢個月香港政壇發生嘅事有關。

發表迴響

你的電子郵件位址並不會被公開。 必要欄位標記為 *