社民連-min

社民連 再狙擊曾俊華定必陷入滅黨危機

社民連 內部啲膠人多,大家都知,只不過, 社民連 依家可能聽錯某啲偉人嘅指點,好可能陷入滅黨危機。 社民連 以為自己好威咁,播他們狙擊曾俊華嘅片段,點知好多 社民連 支持者都不約而同鬧爆佢地,依家 社民連 陷入裡外不是人嘅困境裡面。

社民連 變咗俗論派

社民連 同某個只係顧住收錢,唔理民主運動嘅口技專家無睇到lesser evil戰後嘅形勢大變,唔係泛民突然支持者變成建制,而係依家泛民內部嘅藩論好清楚,就係不惜一切代表倒幕,亦即係倒林鄭月娥、梁振英同中聯辦嘅集團,依家係功山寺起兵後嘅長州藩,總之能夠倒幕,我話之你薩摩藩之前做過啲乜,最緊就係倒幕,甚至當時高杉晉作要講乜嘢大分裂,總之長州獨立自己維新都Okay,總之要倒幕。當泛民嘅藩論如此果陣, 社民連 仲走去狙擊曾俊華,呢個行為就變得十分之老土,甚至係白痴嚟形容。依家梁國雄本來喺DQ案官司籌款都有困難,你依家仲要係咁得罪泛民嘅群眾,DQ官司固然無可能再籌到法律費用,就算好彩呢次官司保得住議席,我可以預計到,下屆立法會新界東一席 社民連 必輸,再加上長毛退休嘅因素, 社民連 會正式成為一個泡沫黨,唔可能再喺香港政治上扮演任何重要角色,而黃浩銘,真係只能大家當係聽過吓個名嘅政治小丑。

亦由於依家倒幕藩論極強,加上商界班友太怕死,如果泛民無法保證320票全部投晒俾曾俊華,可能令商界有啲意志唔夠堅定嘅人走飛(你估商界無俗論派架),所以依家胡國興真係時不予我,胡國興講乜嘢泛民分散選票論,真係變得不受歡迎,佢頭腦幾清晰都無用,唔係泛民特別愛曾俊華,而係曾俊華係締結薩長同盟嘅關鍵條件,而薩長同盟又係倒幕成功嘅關鍵條件,喺呢種藩論下,胡國興嘅講法係令佢本來喺泛民有嘅支持又輸鬼晒,因為泛民只係要林鄭月娥返去搞掂佢嘅家庭問題,唔係林鄭月娥或任何同梁振英關係密切嘅人做特首,同長州藩當年不惜一切要倒幕果種藩論一樣,呢個都唔係泛民對曾俊華特別有愛。我只能講,依家香港真係幕末果陣嘅日本,如果胡國興出早,或出遲一屆,或者佢都有佢發揮空間,一切時不予我。

發表迴響

你的電子郵件位址並不會被公開。 必要欄位標記為 *