拐子佬-min

對付 拐子佬 同乞兒:收番雙程證審批權

沙角邨救世軍幼稚園出通告,指有 拐子佬 意圖拐帶細路,仲要意圖入埋屋邨,好彩負責嘅印傭識講粵語,及時阻止。契丹嚟嘅 拐子佬 ,想拐帶香港細路行乞兼賣器官嘅邪惡之心不息。

沙角邨管理處,應該公布閉路電視影像,等全香港公眾知道果條 拐子佬 乜樣,及時採取行動,包括執行公民拘捕,以我所知,前線警員都知 拐子佬 深痛惡絕,我相信呢啲人渣係唔會有人可憐佢地。只不過, 拐子佬 又好,乞兒又好,點會呢幾年嚟得咁多,因為雙程證同自由行簽注嘅審批權都唔喺香港手,要香港嘅治安回復太平,雙程證嘅審批權改革,可能係當前嘅急務,而且唔會有乜人反對。

有雙程證審批權,至可以禁止 拐子佬 同乞兒再入境

依家對付 拐子佬 又好,乞兒又好,有唔少人都話我聽最令人氣餒係,契丹政府就算明知果啲乞兒或 拐子佬 有過定罪紀錄或舉報紀錄都好,由於雙程證審批係一盤貪污生意,所以契丹公安部門會再批呢啲仆街嚟香港,所以只要買通契丹公安當局,財源就源源不絕,啲仆街亦會源源不絕咁嚟到香港,你話香港嘅治安又點可能太平?所以禁止 拐子佬 同乞兒再度南來,香港要喺雙程證審批上有話事權,甚至對申請有否決權,呢個變咗十分之重要。

當然,如果任何人要嚟香港,契丹公安當局要審批出境部分權利,呢個係契丹政府內部事務,我基本上唔想理,契丹政府可以保留嚟香港第一關,仍然要取得契丹政府嘅批准,一如任何其他國家嘅人嚟香港,都要先有護照,而批唔批護照,就係果個國家嘅內部事務,唔關香港事一樣。只不過,雙程證一定要有契丹身份證號碼印上去,任何人曾經犯過好似行乞、亂拋垃圾、違例泊車等罪行,全部香港呢面都有紀錄,香港入境部門可以喺關卡唔俾持有雙程證人士進入香港,因為犯過呢啲罪行嘅人,全部都係不受歡迎人物。

當然,最好嘅做法,就係雙程證本身嘅審批權都喺香港手上,或者契丹人持契丹護照進入香港境內,事前需要取得香港駐契丹各地辦事處嘅簽證,呢個係最安全嘅做法。只不過雙程證本身係太大盤貪污肥肉,如果習近平派中紀委都治理唔到,香港人都係自求多福。

發表迴響

你的電子郵件位址並不會被公開。 必要欄位標記為 *