網絡攻擊-min

叫美國停止 網絡攻擊 ?不如你契丹管好自己啲國民先

雖然全世界最厚顏嘅外交部,當推北韓外交部莫屬,但契丹外交部都唔輸蝕,喺記者問到有關維基解密報導,美國中情局有搞 網絡攻擊 果陣,佢走去呼籲美國要停止 網絡攻擊 。

以我維護server嘅經驗睇,第一個應該停止 網絡攻擊 嘅國家,並唔係美國,而係契丹。

契丹最鍾意搞 網絡攻擊

我唔可以講美國唔涉及 網絡攻擊 ,中情局為咗對付啲硬膠國家,都可能出啲膠招,喺戰略上,邊個未派過膠?但可以肯定一樣嘢係,美國無咁多cracker鍾意brute-force撞入嘅wordpress login,或者ssh port,但我就經常遇到嚟自江蘇、河南、浙江、廣東嘅IP,係咁撞我個server,而同唔只一個server嘅ssh以及wordpress login。當然,呢啲brute-force攻擊好快就被人ban,因為依家都好多軟件套件對付呢啲低級攻擊,但無可否認, 契丹 幾乎係每一個網絡管理人員嘅困擾。對付美國、德國嘅網絡攻擊,只要你將 網絡攻擊 嘅log info通報IP擁有人,好多時啲web hosting公司好樂意關閉有關server(當然如果IP係嚟自阿里雲,好明顯係例外,阿里雲就算係英美IP你都可以視為嚟自契丹嘅攻擊),或勒令有關客戶修補保安漏洞,停止被其他cracker利用,但喺契丹,好明顯係政府支持呢啲攻擊,你用email通報佢地,永遠石沉大海,除咗係契丹政府同呢啲賊合流,我真係諗唔到其他解釋,去解釋呢啲幾乎無皇管嘅 網絡攻擊 行為點嚟。

所以契丹政府唔具備叫外國政府管理網絡攻擊嘅資格,喺特首選舉臨近果陣,唔少選委嘅gmail戶口,都收到嚟自個別國家政府攻擊嘅警告,呢啲攻擊好明顯都係嚟自契丹,點解契丹又咁鍾意搞呢啲攻擊,唔係契丹搞任何網絡嘢,乜嘢都要攞牌嘅咩?契丹政府同俄國政府,幾乎係世界兩大網絡流氓政府嚟,我唔明點解佢地可以厚面皮到,唔覺得自己搞 網絡攻擊 無問題,仲要出嚟話人,我都未計果啲煩過阿煩嘅五毛黨。契丹越嚟越乞人憎,因為呢個國家實在太無賴。

發表迴響

你的電子郵件位址並不會被公開。 必要欄位標記為 *