十年-日本-min

十年 七月喺日本公映

喺去年香港電影金像獎引起極大風波,甚至激發爾冬陞都加入商界抵抗運動嘅電影 《 十年 》,喺今年7月22日嘅東京新宿一間電影院公映,雖然規模唔係好大,但以日本研究中國問題嘅人之多,以及香港喺日本人心目中嘅地位,《 十年 》喺日本公映,定必會成為當地話題作,以至對日本人對香港事態嘅睇法,會有持續嘅影響。

十年 若然係預言書,日本人並唔會坐視不理

對日本人嚟講,香港係一個好奇特嘅地方,當年打開日本國門嘅黑船,係香港出發,當年送維新派分子去英國留學,係怡和集團嘅人和錢,怡和集團今時今日,已經係一間以香港為本嘅公司,呢樣無庸置疑。對希望脫亞入歐嘅日本嚟講,香港係佢地理想嘅鏡,對台灣,日本視為自己扶養嘅子女,但對香港,係另一樣嘢嚟。無論流行文化、旅行團、政治,日本同香港都係你睇我好,我睇你好,甚至日本認為有啲他們應有嘅熱血,喺日本失去咗,但唔知點解喺日本出現咗。學民思潮成為日本人其中一個學習對象,唔係因周庭識講日文咁簡單,而係呢種全共鬥玩完後無咗嘅熱血,神奇出現喺當代香港,日本對香港係有一種奇怪睇法同感情,遠多於香港飲茶(粵式點心)。

所以,香港未提香港獨立,日本大石英司寫咗《香港獨立戰爭》呢本書,而以香港有嘅日本僑民之多,甚至唔少同香港社會有相當程度嘅整合(我見過唔少講流利廣東話嘅日裔人士,甚至有人參與香港社運,我識最離譜果單,同我一齊BN(HK)A 1997申請BC,有一位係日本籍都唔要要BNO/BDTC嘅日裔人士,乜都有,果條友係日本歷史上最神奇方法取得英國公民身份人士),日本如果知道契丹對香港壓迫日強,甚至真係有獨立成國嘅需要,日本輿論採取同情,甚至支持出兵態度都唔奇,其實大石英司嘅睇法都典型日本人睇法,雖然《香港獨立戰爭》嘅結局都未獨立到(變咗類似亞齊嘅狀況),但如果要幫助,日本人會制,所以 十年 呢類向日本人講述香港情況嘅作品好必要,甚至需要更多日文上交流,唔單只靠一個周庭。而 十年 喺日本公映,有乜反應,以及會喺日本造成乜嘢話題,將會係未來針對日本國民外交上重要嘅參考。

以下係日文字幕版預告片

發表迴響

你的電子郵件位址並不會被公開。 必要欄位標記為 *