國際刑警-min

國際刑警 針對谷卓恆發red notice:點解搵唔到嘅

《星島日報》今日報導, 國際刑警 針對《成報》老闆谷卓恆發咗叫red notice嘅國際通緝令,聲稱要就美貸網非法集資事件要捉人。如果《星島日報》嘅報導,有 國際刑警 原件佐證,咁叫可信,只不過一上 國際刑警 嘅網站一搵做fact check,依家懷疑《星島日報》嘅報導根本係fake news嚟,其實谷卓恆可以搵律師告番《星島日報》,甚至後面中聯辦班粉腸誹謗都仲得。

國際刑警 有無發過red notice並唔難查

國際刑警 所謂red notice,其實係成員國透過 國際刑警 網絡要求各國合作逮捕嘅疑犯或逃犯,而呢啲被通緝人士,又被 國際刑警 認同需要各國合作緝捕歸案。而 國際刑警 個red notice database係全世界可以透過官方網頁搵到,而 國際刑警 官方網頁亦只得一個,關於 red notice 嘅喺晒呢度,基本上,人人都可以做fact check,知道谷卓恆係唔係 國際刑警被通緝名單。而且要知 國際刑警 個網站堅定流好容易,因為 國際刑警 網站個EV SSL Certificate,會喺你瀏覽器網址清楚用綠色字,或綠色底字寫明係 國際刑警 組織(如果你用太舊版IE睇唔到,我無計,但現代嘅desktop用瀏覽器,呢項資料一定係好鬼清楚,作為保安措施)。但喺個database搵嚟搵去,都搵唔到有條友叫谷卓恆。就算係《南華早報》報導,都係話個source嚟自接近深圳政府果面嘅人,但無法獨立核實有關消息來源嘅真確性。

《星島日報》有責任向公眾解釋,點解一單無法喺 國際刑警 網站搵到資料嘅所謂通緝消息﹐居然可以喺咁印上報紙,乜依家《星島日報》轉型埋content farm,定以為谷卓恆唔會告《星島日報》誹謗,所以就可以將啲未經證實消息亂報一通。呢種用假消息抹黑對手嘅做法,極有馬共嘅味道,之前都試過咁玩谷卓恆,相信又係中聯辦班茂利叫《星島日報》咁做。中聯辦啲人咪當香港人傻至得,自從香港傳媒集體content farm化之後,香港人唔再係報紙、電視講乜都會信。相反,我認為谷卓恆應該認真考慮向《星島日報》發律師信。既然梁振英開咗先河,咁香港不如學南洋咁全民律師信算吧。

發表迴響

你的電子郵件位址並不會被公開。 必要欄位標記為 *