國力書院-min

國力書院 事件夠炒吳克儉有餘

國力書院 幫成棚土共攞假學歷一事,申訴專員作出主動調查,終於明白點解 國力書院 會存在,因為教育局一直對呢啲學員同教育機構夾埋造假嘅diploma mill幾乎係無做嘢咁滯,縱使成條法例其實係無問題。簡單嚟講,如果無吳克儉呢啲粉腸hea做,根本唔可能有 國力書院 呢啲機構,可以攞菲律賓啲唔夠稱學歷係咁派俾啲土共造假。

國力書院 事件夠炒吳克儉有餘

國力書院 咁大規模幫啲名人、土共、警察偽造學歷,其實呢件事根本係一單大規模偽造文書事件,而且當中唔少涉及欺騙公帑。依家都仲未有持有有問題證書嘅大學教職員、警員、名人(iProA楊全盛係其中一件茂利,佢係葛珮帆後第二件揸diploma mill學歷嘅粉腸,係唔係有人開咗先河,所以個會都可以任由呢啲狗屎垃圾做高層)被拘捕偽造文書相關罪行,呢個已經有問題。而依家申訴專員公署主動調查發現,教育局根本唔做嘢,令好多文件應該備存都無備存,加上呢單醜聞牽連廣泛,係唔係應該炒咗吳克儉?作為政治問責官員,如果吳克儉咁都唔駛負起任何政治責任,咁要政治問責制嚟做乜?原來只不過係方便特首搵啲不明來歷人士坐高位咋?原來又係搞A貨政制昆香港人?

依家因 國力書院 事件炒咗吳克儉,其實對社會無大影響,因為依家已經係過渡階段,七月一定由新嘅教育局局長上場,而且炒咗吳克儉之後,果啲TSA、BCA全部都唔駛再玩落去,對民眾嚟講亦都皆大歡喜,甚至對吳克儉都係好事嚟,依家炒咗佢,咁佢咪可以依家訂定機票酒店去日本賞櫻,唔駛再借頭借路度幾時請假去日本賞櫻咁煩,反正呢條友做嘢都唔顧公眾對佢嘅觀感,被人炒咗咁樣衰而落台無所謂喇,雖然我相信好多香港人,包括我在內,其實係要佢為佢任內自殺果啲學童嘅人命負責,唔單只 國力書院 一單嘢咁簡單。

當然,大家唔好諗住梁振英會因 國力書院 炒吳克儉,大家睇七警嘅態度就知,吳克儉、梁振英、張曉明全部都係公眾越叫佢認錯,越唔會認錯果啲死仆街嚟嘅,呢啲人係要同民意鬥到底,呢啲人係唔被人搞到仆街都唔知道死字點寫。

發表迴響

你的電子郵件位址並不會被公開。 必要欄位標記為 *