美食車-蘇錦樑-min

蘇錦樑故意搞死 美食車

梁振英一直以嚟無嘢叻,最叻搞政治陰謀詭計。 美食車 呢個曾俊華主導嘅計劃,揀喺特首選舉期間推出,本身已經立心不良。只不過,更立心不良係,將啲 美食車 推去死位,然後將所有罪名推到曾俊華度,方便幫林鄭月娥助選。以蘇錦樑作為民建聯黨員嘅品性,大家都知民建聯嘅代號叫禮義廉,呢個黨啲人係乜嘢品德,大家其實都心中有數。

比較吓紐約市Food Truck嘅位置,你就明蘇錦樑有幾立心不良

蘇錦樑加拿大讀書返嚟唔知 美食車 要擺乜位?

大家先睇以下紐約 美食車 地圖,因為 美食車 喺紐約人生活嘅一部分,美食車營業時間同地點,喺網上係好易搵得到。

美食車-蘇錦樑-min
美食車-蘇錦樑-min

簡單嚟講,Lunch time 美食車 經營地點,就係最多上班一族中午要醫肚嘅地點,例如華爾街,或者曼克頓下城區,你諗吓果度啲dealer、trader,有幾多時間食飯醫肚,其實 美食車 提供嘅快餐係好合符佢地嘅快速午膳需要,因為佢地買走就帶返office對住bloomberg機搏殺。

香港嚟講,如果要 美食車 有得做,唔係去金紫荊廣場呢啲遊客區,或者天星碼頭呢啲遠離office嘅地區,而係要擺喺有大量上班一族要醫肚,快餐店長期人滿為患嘅地區,以中環計,可能交易廣場或怡和大廈樓下,已經足以令 美食車 做都做唔切,因為果度係快餐店嚴重不足,喺中環返工嘅人,都知道快餐店係連外賣都要排長龍,仲未講果啲身光頸靚,聲稱海歸,但實際上依然有打尖,唔守秩序陋習果啲契丹金融新貴。

蘇錦樑係加拿大讀書返嚟,本來有加拿大籍,喺北美生活過嘅人,無理由唔知 美食車 應該點樣搞,如果唔係蘇錦樑有黨性無人性,只係跟中聯辦柯打做嘢,或者佢喺加拿大期間,根本無好好融入當地生活,無理由唔知佢依家咁搞指派 美食車 嘅位置,根本係死路一條。所以喺我眼中,蘇錦樑係故意搞死 美食車 ,為嘅完全係張曉明同梁振英嘅個人政治議題,喺共產黨人眼中,為咗達到政治利益,一般群眾嘅根本利益根本唔算得上係乜嘢嚟,否則就唔會有有黨性無人性呢個講法嘞。

如果容許喺真正需要提供額外午膳供應,又有消費力嘅地方搞 美食車 ,其實唔至於無得做。

發表迴響

你的電子郵件位址並不會被公開。 必要欄位標記為 *