Theresa May

Theresa May 嘅經典恥笑會永垂青史

英國政客鍾意恥笑,特別喺國會恥笑對手,呢個已經係英國國家傳統,文化嘅一部分。只不過,喺3月8日首相答問會到,首相 Theresa May 嘅恥笑特別誇張,應該會被人,包括高登仔或連登仔做成GIF,然後當成日常表情咁用,因為真係太黐線。

Theresa May 嘅恥笑超誇張

正所謂有片有真相,

當然, Theresa May可以恥笑到呢個程度,被人話似卡通人物,食緊魚,甚至係似驅魔人(咁驚?),梗係有佢嘅背景,實在理由係,依家工黨黨魁,已經削到一個無可再削嘅程度,如果工黨仲唔快啲換走呢個廢左膠黨魁,我恐怕工黨真係會被滅黨,甚至國會最大反對黨嘅領袖,會因蘇格蘭民族黨嘅領袖擔任,屆時就肯定會膠到無可再膠嘅地步,因為蘇格蘭民族黨係地方政黨嚟,唔係全國性政黨人,喺蘇獨公投失敗之前,蘇格蘭民族黨傳統係派啲二線友仔去倫敦做國會議員,真正嘅精英就留喺蘇格蘭打理蘇格蘭政府同國會,係蘇獨公投失敗之後至改變策略,派出精銳全攻西敏寺,亦觸發工黨當前嘅危機。

PMQ喺英國議會傳統嚟講,係反對黨攞分嘅場地,雖然有David Cameron, Tony Blair呢啲能言善辯嘅首相,但政府好多少都捱攻,至少唔會當眾誇張咁恥笑對家咁放肆,但依家工黨黨魁Jermey Corbyn真係廢到一個廢柴嘅地步,否則唔會出現有傳統工黨嘅選區,竟然喺補選輸咗俾保守黨嘅局面。連霍金都公開呼籲,叫工黨儘快炒咗呢件廢柴佢,大家可以想像到由呢件廢柴繼續做落去,工黨將會變成點。但由於工黨選黨魁機制有漏洞,大批左膠同工會中人抱持黨魁候選(簡單嚟講,你俾幾英鎊做黨員,就可以去投票選黨魁,成棚左膠咪湧入去),香港左膠有幾廢,Jermey Corbyn就有幾廢,所以 Theresa May 誇張到極點嘅恥笑,其實係對工黨呢位廢柴黨魁嘅無聲侮辱,如果Jermey Corbyn仲有少少自知之明,應該考慮學日本武士咁切腹。只不過,如果佢有自知之明,工黨又點會搞到今時今刻呢個咁膠嘅田地至得架。

發表迴響

你的電子郵件位址並不會被公開。 必要欄位標記為 *