銅鑼灣崇光-min

銅鑼灣崇光 門口違法停泊的士問題:根本無解決過

銅鑼灣崇光 門口違法停泊的士無人理,楊雪盈要求處理啲的士,點知土共伍婉婷反而要求警方對付巴士,玩出工業行動,即係所謂遵法鬥爭(按章工作),去到依家,究竟差佬有無出手解決問題。根據呢度嘅讀者提供嘅片段,根本無解決過問題。

銅鑼灣崇光 門口依舊大批的士

根據讀者提供喺2月24日、2月27日、2月28日同3月8日嘅實況片段,喺晚上九點左右嘅時間,啲的士係公然停喺 銅鑼灣崇光 門口巴士站等客,而期間係無一個差佬喺度,如果係只係一日嘅片段,你可以話我係以偏蓋全,依家係四日,同一地點嘅片段,而且時間都相差不遠,咁係唔係代表住,根本警察係無心對付呢班違例當食飯嘅的士佬,係唔係的士佬捐咗俾七警,就可以攞正牌喺 銅鑼灣崇光 亂泊廿四,任意妄為?如果係咁嘅話,咁唔怪得啲市民對果啲同黑社會關係密切人士嘅捐款咁恐懼,譚惠珠仲好意思話係炒作,依家捐咗錢俾七警, 銅鑼灣崇光 巴士站都係俾的士佬亂泊,更何況果啲七位數字捐款,真係十二點後唔知邊個話事。

所以 銅鑼灣崇光 門口嘅的士問題,一定要有一堆人,年年月月日日追殺政府,唔只靠呢度嘅讀者,唔只靠楊雪盈,唔只靠我,仲要需要更大嘅力量,至少唔該警察勤啲喺 銅鑼灣崇光 門口派牛肉乾俾的士司機,唔好等佢地以為,佢地啲老闆捐咗錢俾七警,就可以亂嚟至得。 銅鑼灣崇光 門口嘅禁止點劃,呢個係可以傾,但的士唔可以阻礙巴士站嘅正常運作,巴士站唔可以當的士站嚟用,呢個係最基本嘅底線,如果咁都守唔到,咁真係天下大亂乜都得。

只不過,警察之所以敢hea,除咗因為的士佬係梁振英啲合作夥伴外,銅鑼灣當區區議員係一個叫伍婉婷嘅人渣,亦都係原因嚟。所以泛民應該積極部署經營銅鑼灣選區,用民主黨光復半山東、利東兩區嘅態度嚟打一場漂亮嘅仗,將伍婉婷踢出銅鑼灣,唔好俾呢啲土共代表扮晒代表銅鑼灣居民利益,公然濫用區議員身份,為一啲危害公眾利益嘅主張講說話,我並唔想喺下屆灣仔區議會,再睇到伍婉婷呢個人出嚟派膠,香港人對伍婉婷呢挺人已經忍夠。

發表迴響

你的電子郵件位址並不會被公開。 必要欄位標記為 *