惟工新聞-篡改歷史

惟工新聞 班左膠除咗篡改歷史仲識啲乜

近年,左膠果啲行事手段越嚟越卑鄙,中大學生報就玩到不實聲明,而 惟工新聞 都唔弱,喺38婦女節前夕,篡改香港妹仔歷史,老屈英國人唔做嘢,對華人阻止改革視而不見,離晒大譜。呢班左膠係一定要攞出嚟清算至得。

惟工新聞 連英國歷史都唔知亂作歷史

雖然英國喺十九世紀搞緊帝國主義,但與此同時,英國喺十九世紀開始緊民主改革,亦都重視人權。所以倫敦警隊,係唔陀槍(費時學法國警察啲衰嘢,香港警察係學愛爾蘭RIC,大家都知RIC個朵臭晒),英國成立香港之前喺1833年已經立法禁止蓄奴,所以香港仲有妹仔呢家嘢,其實同英國本土嘅法律不容,只不過,初成立香港期間,費時同原居嘅華人衝突,所以唔郁呢個課題。1877年愛爾蘭裔總督軒尼詩來港到任,佢係一位平權總督,佢喺容許華人歸化英國公民,以及廢除多項對華人嘅歧視措施嘅同時,佢留意到妹仔問題,因為當時已經有法官喺判決中開聲,佢想處理,但當時被華人反對,立法局都過唔到,有乜好講。

去到一次大戰後,英國嘅民主改革其實大致完成,1918年改革法案取消晒選民嘅財產權限制,令到英國已經好接近一人一票普選民主政府,當時工黨已經崛起,反對妹仔制度嘅英裔人士,已經去下議院投訴妹仔制度,而下議院不斷施壓之下,1929年更直頭係工黨執政,金文泰見到拖無可拖,立法逐步廢除妹仔制度,但當時仲有尾巴(一如任何英國當時嘅政制改革都係咁),1938年二次大戰之前,再立法清除妹仔制度,因為當時英國政府已經無法容忍香港再立呢啲膠法。

無英國人,以香港當時華人嘅食古不化,恐怕依家都未廢除到妹仔制度, 惟工新聞 班左膠,幾時至肯誠實承認華人儒家文化嘅問題,就係拒絕改革,拒絕承認人權呢樣嘢,日本嘅自由民權運動,喺美國軍事佔領日本前從未成功過,成套主張竟然係美國軍事佔領日本期間,美國佬硬塞依家日本國憲法俾日本人,自由民權運動嘅主張至得以實現一樣。面對漢字系社會呢種硬膠,如果香港唔係英國殖民統治過,恐怕依家好多嘢同台、日、韓、契四國膠埋一碟。新加坡華人比較早睇清形勢,所以李光耀至寧願語言上切斷同契丹嘅連繫,三族都用英文,除咗種族問題,亦唔想啲烏厘單刀嘢繼續傳承落去,否則新加坡都未必成為一個現代國家。

所以 惟工新聞 一類大中華左膠,繼續播毒嘅話,我就繼續鬧爆佢地為止。

發表迴響

你的電子郵件位址並不會被公開。 必要欄位標記為 *