熊永達-min

熊永達 下一個嚟自匯點嘅港奸

我發現,匯點真係一個專出港奸嘅地方,劉迺強、高達斌呢啲人渣唔駛講,張炳良、馮煒光、狄志遠呢啲,後嚟都證實咗係人渣。只不過,匯點系嘅人渣,似乎仲有幾件未浮上,依家中國高鐵香港段通車在即,又出一件,果個叫 熊永達 。

熊永達 為一地兩檢護航

我對一地兩檢嘅立場一向好簡單,香港就係唔需要中國高鐵,唔該契丹政府俾番所有香港人俾過嘅錢,隧道應該永久封閉,而西九龍總站作商業用途,講完。一地兩檢搞唔掂,咪由得佢搞唔掂,係你班契丹佬硬要中國高鐵,如果真係唔想浪費中國高鐵路軌,最後用嚟做前往廣州嘅直通車,海關安排一如既往,喺廣州進行,就係咁簡單。依家講乜嘢一地兩檢,根本係意圖喺香港設立公安哨站,方便隨便拘留香港反對派民眾,要支持係零可能。

熊永達 呢啲仆街,仲講乜嘢中方派出顧問,然後由港方執法,依家係大韓帝國年代嘅韓國呀,果陣都係日本統監府嘅人員,指導大韓帝國政府人員執法之嘛,咁都係殖民統治,我睇唔到有乜嘢分別喎。田北辰建議香港主動割讓西九龍總站地底,呢個一定係賣港建議,只不過,佢係真心硬膠,所以佢啲賣港建議,一睇就知係陽謀嚟,好易篤爆, 熊永達 呢啲披住民主派同學者嘅皮,做賣港行徑嘅狗賊最仆街,你以為佢啲建議客觀,事實一樣係有毒,同田北辰講果啲無分別,只不過 熊永達 識得包裝,講得好聽啲咁解,簡單嚟講, 熊永達 就係做糖衣毒藥嘅角色,一如未正式做共黨走狗之前嘅張炳良、馮煒光、狄志遠、陳財喜等,完全都係一樣嘅貨色,而 熊永達 隨時係最後一個走去跳船果個。

我唔能夠話入過匯點都係人渣,但匯點作為民主派組織,可以狗賊輩出,甚至係唔少梁粉嘅溫床,呢樣嘢極之恐怖,日後大家檢討香港民主派歷史果陣,清算匯點係有必要。雖然民協果隻又傾又砌都好核突,但平心而論,民協未曾做過大規模訓練共狗嘅事,但匯點可以訓練大量共狗,仲要係隻隻都好得人驚果隻,失去咗理想就連人都唔係,直接變成魔鬼。愛國不愛黨呢五個字,喺匯點呢班友身上證實係失敗,能夠愛國不愛黨,可能只有百分之一嘅人做得到。

One thought on “熊永達 下一個嚟自匯點嘅港奸

  1. 但係你覺得有可能令高鐵唔開﹖對熊永達黎講,公安喺香港只能旁觀同建議而無權直接執法,可能都係lesser evil。

發表迴響

你的電子郵件位址並不會被公開。 必要欄位標記為 *